ପରିବା ବଜାର ଉପରେ ମାଡିଗଲା ଟ୍ରକ; ଜଣେ ମୃତ, 7 ଆହତ

ପରିବା ବଜାର ଉପରେ ମାଡିଗଲା ଟ୍ରକ । ଜଣେ ମୃତ ,7 ଆହତ । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

ଯାଜପୁର: ପରିବା ବଜାର ଉପରେ ମାଡିଗଲା ଦଶଚକିଆ ଟ୍ରକ । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ 7 ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ କଟକ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତ ଓ ଗୁରୁତରଙ୍କ ପରିଚୟ ଏପର୍ଯ୍ୟନ୍ତ ମିଳି ନ ଥିବା ସୂଚନା ମିଳିଛି ।

ସୂଚନା ଅନୁଯାୟୀ ଯାଜପୁର କୁଆଖିଆ ବାରବାଟି ପରିବା ମାର୍କେଟରେ ଲୋକମାନେ ପରିବା ବିକ୍ରି ପାଇଁ ବସିଥିଲେ । ହେଲେ ଏକ ଟ୍ରକ ଭାରସାମ୍ୟ ହରାଇ ଲୋକଙ୍କ ଉପରେ ମାଡି ଯାଇଥିଲା ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ