ବ୍ୟାସନଗରରେ ଆବଦ୍ଧ ମଣ୍ଡପରେ ପୂଜା ପାଉଛନ୍ତି ମା' ଗଜଲକ୍ଷ୍ମୀ

ମା' ଗଜଲକ୍ଷ୍ମୀଙ୍କ ପୂଜାର ଦ୍ବିତୀୟ ଦିନରେ ବ୍ୟାସନଗର ବିଭିନ୍ନ ପୂଜା ମଣ୍ଡପରେ ମା'ଙ୍କ ପୂଜାର୍ଚ୍ଚନା କରାଯାଉଛି । ତେବେ କୋରୋନା କଟକଣାକୁ ପାଳନ କରି ଆବଦ୍ଧ ଗୃହ ମଧ୍ୟରେ ପୂଜାକାର୍ଯ୍ୟ ସମ୍ପନ୍ନ କରାଯାଉଥିବା ସୂଚନା ମିଳିଛି । ଅଧିକ ପଢନ୍ତୁ..

ଯାଜପୁର: ପାର୍ବଣ ଋତୁରେ ପୂଜା ପାଉଛନ୍ତି ଧନଦାତ୍ରୀ ମା' ଗଜଲକ୍ଷ୍ମୀ । ଜିଲ୍ଲାର ବ୍ୟାସନଗର ପୌରାଞ୍ଚଳସ୍ଥିତ ମୁଣ୍ଡମାଳ ଦୁର୍ଗାଙ୍କ ମଣ୍ଡପ ପରିସରରେ ମା'ଙ୍କ ପୂଜାର୍ଚ୍ଚନା କରାଯାଉଛି । ତେବେ କୋରୋନା କଟକଣାକୁ ପାଳନ କରି ଆବଦ୍ଧ ଗୃହରେ ମା'ଙ୍କ ପୂଜାକାର୍ଯ୍ୟ ସମ୍ପନ୍ନ କରାଯାଉଛି ।

ମା'ଙ୍କ ଆଗମନରେ ଜିଲ୍ଲାର ବ୍ୟାସନଗର ସହର ଓ ଆଖପାଖ ଅଞ୍ଚଳରେ ମା' ଲକ୍ଷ୍ମୀ ପୂଜା ଆରାଧନା ପାଇଁ ମଣ୍ଡପ ଗୁଡିକ ଚଳଚଞ୍ଚଳ ହୋଇ ଉଠିଛି। ସରକାରଙ୍କ ନିର୍ଦ୍ଦେଶକ୍ରମେ ବାଦ୍ୟ ସଙ୍ଗୀତ ବିନା ପୂଜାକାର୍ଯ୍ୟ କରାଯାଉଛି । ଫଳରେ ସାଧାରଣ ଲୋକେ ମା'ଙ୍କ ଦର୍ଶନରୁ ବଞ୍ଚିତ ହେଉଛନ୍ତି । ସାଜସଜ୍ଜା, ରଙ୍ଗ ବେରଙ୍ଗ ଆଲୋକମାଳା ବିନା ପୂଜା ମଣ୍ଡପ ଖାଁ ଖାଁ ଲାଗୁଛି ।