ଯାଜପୁର: ଗୁଳିମାରିବା ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ କଲା ପୋଲିସ । ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ । ଗତକାଲି ଦୁଇ ଜଣଙ୍କ ମଧ୍ୟରେ ଗଣ୍ଡଗୋଳ ସହ ଗୁଳିମାଡ ହୋଇଥିଲା ।
ଗୁଳିମାରିବା ଘଟଣା ମୁଖ୍ୟ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କଲା ପୋଲିସ
ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ଗୌରପୁର ଅଞ୍ଚଳରେ ଘଟିଥିଲା ଏକ ଅଭାବନୀୟ କାଣ୍ଡ । ଗତକାଲି ସନ୍ଧ୍ୟାରେ ଦୁଇଭାଇଙ୍କ ମଧ୍ୟରେ ଗଣ୍ଡଗୋଳ ଘଟି ଗୁଳି ଚାଳନା ହୋଇଥିଲା । ବାପାଙ୍କ ଦୋକାନକୁ ଯାଉଥିବା ସମୟରେ ଯୁବତୀଙ୍କ ଉପରେ ବାଜିଥିଲା ଗୁଳି । ଯୁବତୀଙ୍କ ଡାହାଣ ହାତରେ ଗୁଳିବାଜିବାରୁ ସେ ଆହତ ହୋଇପଡିଥିଲେ । ଆହତଙ୍କୁ ଡାକ୍ତରଖାନାରେ ଚିକିତ୍ସା କରାଯାଇଥିଲା ।
ସେପଟେ ଏହି ଘଟଣାରେ କୋରେଇ ପୋଲିସ ଅଭିଯୁକ୍ତ ଯୁବକ ସୁବଳ ଓଝାଙ୍କୁ ଗିରଫ୍ କରି କୋର୍ଟ ଚାଲାଣ କରିଥିବା ଜଣାପଡିଛି । ତେବେ ଏହି ଘଟଣାରେ ପୋଲିସର କୌଣସି ପ୍ରତିକ୍ରିୟା ମିଳିପାରିନାହିଁ । ଅଭିଯୁକ୍ତ ବିରୋଧରେ ଯୁବତୀଙ୍କ ପରିବାର ଲୋକ କଠୋର କାର୍ଯ୍ୟାନୁଷ୍ଠାନ ଦାବୀ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
