ଯାଜପୁର: ନଦୀରେ ବୁଡି 2 ଭଉଣୀ ନିଖୋଜ ହେବା ଘଟଣା । ଗତକାଲି ଗାଧୋଇବାକୁ ଯାଇ ସେଲ୍ଫି ନେଉଥିବା ବେଳେ ବୁଡିଯାଇଥିଲେ 2ଭଉଣୀ । ସେମାନଙ୍କ ମଧ୍ୟରୁ ସୋମବାର ଜଣେ ଭଉଣୀ ଉଦ୍ଧାର ହୋଇଥିବା ବେଳେ ଅନ୍ୟ ଜଣେ ନିଖୋଜ ଥିଲା । ତେବେ ଆଜି ଆଉ ଜଣଙ୍କ ମୃତଦେହ ଓଡ୍ରାଫ ଟିମ ଉଦ୍ଧାର କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ଏଭଳି ଅଘଟଣ ଘଟିଥିଲା ସଦର ଥାନା ଖରସ୍ରୋତା ନଦୀର ତନ୍ତିଘାଇରେ । ସ୍ଥାନୀୟ ଏରବାଙ୍କ ଗାଁର 2 ସମ୍ପର୍କୀୟ ଭଉଣୀ ନିକଟସ୍ଥ ତନ୍ତିଘାଇକୁ ଗାଧୋଇବାକୁ ଯାଇଥିଲେ। ସେଲ୍ଫି ଉଠାଉଥିବା ବେଳେ ଉଭୟ ନଦୀ ଭିତରକୁ ଖସି ପଡିଥିଲେ । ସ୍ଥାନୀୟ ଲୋକେ ନାଜରିନ ବେଗମ(19)ଙ୍କୁ ଉଦ୍ଧାର କରିଥିବା ବେଳେ ସାଇସ୍ତା ବେଗମ (17) ନିଖୋଜ ରହିଥିଲେ । ତେବେ ସାଇସ୍ତାର ମୃତଦେହ ଆଜି ଓଡ୍ରାଫ ଟିମ ଏରବାଙ୍କରୁ ଉଦ୍ଧାର କରିଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
