ଜଗତସିଂହପୁର: ଥାନାରେ ପଶି ପୋଲିସ ଗାଡି ପୋଡି ଘଟଣାରେ 9 ଜଣ ଗିରଫ । ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅଧିନସ୍ଥ କ୍ରିଷ୍ନାନନ୍ଦପୁର ଫାଣ୍ଡିରେ ଗତ ମଙ୍ଗଳବାର ସନ୍ଧ୍ୟାରେ ଭଗାଂରୁଜା ଓ ପୋଲିସ ଗାଡି ପୋଡି ଘଟଣାରେ ଶନିବାର ପୋଲିସ ୯ ଜଣକୁ ଗିରଫ କରିଛି ।
ପୋଲିସ୍ ଗାଡି ପୋଡି ଓ ଫାଣ୍ଡି ଭଙ୍ଗାରୁଜା ଘଟଣାରେ ୯ ଗିରଫ
ସୂଚନାଥାଉକି ଗତ ମଙ୍ଗଳବାର ସନ୍ଧ୍ୟାରେ ଖୁଆନମହଲାର ଏକ ମସଜିଦ୍ ରେ ୪୦ ରୁ ୫୦ ଜଣ ସଂଖ୍ୟାଲଘୁ ସମ୍ପ୍ରଦାୟର ଲୋକେ ଏକତ୍ରିତ ହୋଇ ନମାଜପାଠ କରୁଥିଲେ । ଏହି ସମୟରେ କ୍ରିଷ୍ନାନନ୍ଦପୁର ଫାଣ୍ଡି ଅଧିକାରୀ ଅନିରୁଦ୍ଧ ନାୟକ ଭିତରକୁ ପସି କୋଭିଡ ନିଅମ ପାଳନର ତଦାରଖ କରି ଫେରିଥିଲେ । ଏହା ପରେ ପୋଲିସ୍ ଜୋତାପିନ୍ଧି ମସଜିଦକୁ ପଶିଥିବା ଅଭିଯୋଗକରୀ କିଛି ସଂଖ୍ୟାଲଘୁ ସମ୍ପ୍ରଦାୟର ଲୋକେ ଫାଣ୍ଡିରେ ପସି ଭଙ୍ଗାରୁଜା କରିବା ସହ ଗାଡି ପୋଡିଥିଲେ । ଏହି ଘଟଣାକୁ ନେଇ ପୋଲିସ ଏକ ମାମଲା ରୁଜୁକରି ଶନିବାର ୯ ଜଣକୁ ଗିରଫ କରି କୋର୍ଟ ଚାଲାଣ କରିଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭରତ
