ଜଗତସିଂହପୁର: ତିର୍ତ୍ତୋଲ ବିଧାୟକ ବିଜୟ ଶଙ୍କରଙ୍କୁ ବିରୋଧ । ବିଜୟ ଶଙ୍କର ଦାସଙ୍କ ଗିରଫ ଦାବି କଲା ମହିଳା କଂଗ୍ରେସ । ଗୁରୁବାର ସନ୍ଧ୍ୟାରେ ବିରିଡି ବ୍ଲକ ମହିଳା କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯିବା ସହିତ କଳା ବ୍ୟାଚ ପରିଧାନ କରି ବିଜୟ ଶଙ୍କରଙ୍କ କୁଶ ପୁତ୍ତଳିକା ଦାହ କରିଥିଲେ କଂଗ୍ରସେ କର୍ମୀ । ତିର୍ତ୍ତୋଲ କଂଗ୍ରେସ ନେତା ହିମାଂଶୁ ମଲ୍ଲିକଙ୍କ ନେତୃତ୍ୱରେ ମହିଳା କଂଗ୍ରେସ ପକ୍ଷରୁ ବିରିଡି ଅଞ୍ଚଳ ପରିକ୍ରମା କରିବା ପରେ ବିରିଡି ବ୍ଲକ ସମ୍ମୁଖରେ ବିକ୍ଷୋଭ ପଦର୍ଶନ କରିଥିଲେ।
କଂଗ୍ରେସ ଅଭିଯୋଗ କରିଛି ଯେ ବିଧାୟକ ବିଜୟ ଶଙ୍କର ଦାସଙ୍କ ପାଇଁ ତିର୍ତ୍ତୋଲ ମାଟି ବଦନାମ ହେଉଛି । ବିଧାୟକଙ୍କ ଯୌନ ଲାଳସା ଏହି ମାଟିକୁ କଳୁଷିତ କରିଛି । ତାଙ୍କ ପୂର୍ବତନ ପ୍ରେମିକା ସୋମାଲିକା ବାରମ୍ବାର ଥାନାର ଦ୍ୱାରସ୍ଥ ହୋଇଥିଲେ ମଧ୍ୟ ବିଜୟ ଶଙ୍କର ଶାସକ ଦଳର ବିଧାୟକ ହୋଇ ଥିବାରୁ ତାଙ୍କୁ ପୋଲିସ ଘଣ୍ଟ ଘୋଡାଉଛି । ଏହି ସମ୍ବେଦନଶୀଳ ଘଟଣାକୁ ନେଇ ଶାସକ ଦଳ ଆଖି ବୁଜି ଦେଇଛି । ସୋମାଲିକାକୁ ପ୍ରତାରଣା କରି ଆଉ ଜଣେ ମହିଳାଙ୍କ ସହ ବିବାହ ପାଇଁ କଟକ ସବ୍ ରେଜିଷ୍ଟ୍ରାରଙ୍କ ନିକଟରେ ଆବେଦନ କରିଛନ୍ତି ବିଜୟ ଶଙ୍କର । ଯାହା ଅତ୍ୟନ୍ତ ଲଜ୍ୟା ଜନକ।
ଏହା ମଧ୍ୟ ପଢନ୍ତୁ-ବଢିଲା ତିର୍ତ୍ତୋଲ ବିଧାୟକଙ୍କ ଅଡୁଆ, ସବରେଜିଷ୍ଟ୍ରାର ଅଫିସରେ ଅଭିଯୋଗ କଲେ ସୋମାଲିକା
