ଜଗତସିଂହପୁର: ଚାଟରା ଶିଶୁ ଆଶ୍ରମରୁ ବାଳକ ନିଖୋଜ । ସଦର ଥାନା ଅନ୍ତର୍ଗତ କେନ୍ଦାଳ ଗ୍ରାମର ଅମରେନ୍ଦ୍ର ପାତ୍ରଙ୍କ ପୁଅ ଗଣେଶ ପାତ୍ର କେଉଁଆଡ଼େ ନିଖୋଜ ହୋଇଯାଇଥିବା ଅଭିଯୋଗ ହୋଇଛି । ଏନେଇ ଜଗତସିଂହପୁର ଥାନାରେ ଶିଶୁ ଆଶ୍ରମର କର୍ତ୍ତୃପକ୍ଷ ଅଭିଯୋଗ କରିଛନ୍ତି ।
ଗତ 1 ତାରିଖରୁ ପିଲାଟି ନିଖୋଜ ହୋଇ ଯାଇଥିଲେ ବେଳେ କୌଣସି ପତ୍ତା ମିଳୁନାହିଁ । ଅଭିଯୋଗ ପରେ ମଧ୍ୟ ପୋଲିସ ମାମଲା କୌଣସି ରୁଜୁ କରି ନଥିବା ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଅନ୍ୟପଟେ ଶିଶୁ ଆଶ୍ରମର ସୁରକ୍ଷାକୁ ନେଇ ମଧ୍ୟ ପ୍ରଶ୍ନ ଉଠିଛି ।
କେନ୍ଦାଳ ଗ୍ରାମର ଅମରେନ୍ଦ୍ର ପାତ୍ର ଗତ 15 ଦିନ ତଳେ CWC ଦ୍ଵାରା ପରିଚାଳିତ ଚାଟରା ଶିଶୁ ଆଶ୍ରମରେ ପୁଅକୁ ଛାଡିଥିଲେ । କିନ୍ତୁ ହଠାତ ଗତ1 ତାରିଖ ଦିନ ଶିଶୁ ଆଶ୍ରମରୁ ନିଖୋଜ ହୋଇଯାଇଥିବା କର୍ତ୍ତୃପକ୍ଷ ଅମରେନ୍ଦ୍ରଙ୍କ ଘରେ ପହଞ୍ଚି ଜଣାଇଥିଲେ । ଏହି ଘଟଣାରେ ଜଗତସିଂହପୁର IIC ରଜନୀକାନ୍ତ ମିଶ୍ରଙ୍କ ପ୍ରତିକ୍ରିୟା ନେବାକୁ ଆମ ପ୍ରତିନିଧି ଚାହିଁଥିଲେ । ମାତ୍ର ସେ କ୍ୟାମେରା ସାମ୍ନାରେ ସେ କିଛି କହିବାକୁ ମନାକରିଛନ୍ତି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
