ଜଗତସିଂହପୁର: ମରଣଯନ୍ତା ପାଲଟିଛି କଟକ-ପାରାଦ୍ବୀପ ରାଜ୍ୟ ରାଜପଥ । ପ୍ରତ୍ୟେକ ଦିନ ଏହି ରାସ୍ତାରେ ଘଟୁଛି ଅଘଟଣ । ଭାରିଯାନ ଓ ଦ୍ରୁତଗତି ଦୁର୍ଘଟଣାର ମୁଖ୍ୟ କାରଣ ବୋଲି ସ୍ଥାନୀୟ ଲୋକେ କହୁଥିବା ବେଳେ ଏହି ରାସ୍ତାରେ ଚଳିତ ବର୍ଷ ସଡକ ଦୁର୍ଘଟଣାରେ ପ୍ରାୟ ୪୦ ଜଣଙ୍କର ମୃତ୍ୟୁ ହୋଇଛି । ଏଥିସହ ୧୦୦ରୁ ଅଧିକ ଲୋକ ହୋଇଛନ୍ତି ଆହତ । କଟକରୁ ପାରାଦ୍ୱୀପ ସଂଯୋଗ କରୁଥିବା ଏହି ରାସ୍ତା ମରଣର ଫାସ ବୋଲି କୁହାଯାଉଛି ।
ସେହିଭଳି ରବିବାର ଭୋରୁ ଏହି ରାସ୍ତାରେ ସଡକ ଦୁର୍ଘଟଣାରେ 2 ଜଣ ମାଛ ବ୍ୟବସାୟୀଙ୍କ ମୃତ୍ୟୁ ହୋଇଛି । ଏକ ବାଲି ବୋଝେଇ ହାଇୱା ମାଛ ବୋଝେଇ ପିକଅପ ଭ୍ୟାନକୁ ଧକ୍କା ଦେବା ଫଳରେ ଗାଡି ଚାଳକ ଆକାଶ ବେହେରା (୨୨) ଓ ସୁରେଶ ମଲ୍ଲିକ (୨୮)ଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିବା ଜଣାପଡିଛି । ମୃତକଙ୍କ ଘର ବାଙ୍କୀ ଥାନା ଅନ୍ତର୍ଗତ ସିଙ୍ଗନାଥପୁର ଗାଁ ।
