ବ୍ରହ୍ମପୁର: ଗଞ୍ଜାମ ଜିଲ୍ଲାରେ କୋହଳ ହେଲା ଲକଡାଉନ । ସୋମବାର ଠାରୁ ଜିଲ୍ଲା ପ୍ରଶାସନ ପକ୍ଷରୁ ପୂର୍ବରୁ ରହିଥିବା ନିର୍ଦ୍ଧାରିତ ସମୟ ସୀମା ଉପରେ କରାଯାଇଛି କୋହଳ।
ଲକଡାଉନ କୋହଳ
ଏଣିକି ମୋଟରସାଇକେଲରେ ଜଣେ ବ୍ୟକ୍ତି ରାସ୍ତାରେ ଗାଡି ଚଳାଇ ପାରିବେ। ଅତ୍ୟାବଶ୍ୟକୀୟ ସାମଗ୍ରୀକୁ ବିକ୍ରି ଉପରେ କୌଣସି ସମୟ ସୀମା ରହିବନାହିଁ । ହେଲେ ଗୁଟଖା, ପାନ, ଚା ଓ ମଦ ଦୋକାନ ଏହି ସମୟରେ ବନ୍ଦ ରହିବ।
ସମସ୍ତ ସ୍ଥାନରେ ସାମାଜିକ ଦୂରତା ଅବଲମ୍ବନ କରୁଛନ୍ତି କି ନାହିଁ ତା' ଉପରେ ରହିବ ଅଧିକ ନଜର । ଏଥିନିମନ୍ତେ କମିଟି ଗଠନ କରାଯାଇଛି । ଖିଲାପ କରୁଥିବା ବ୍ୟକ୍ତିଙ୍କ ଉପରେ ନିଆଯିବ କଡା କାର୍ଯ୍ୟାନୁଷ୍ଠାନ ।
ସେହିପରି ମାସ୍କ ପିନ୍ଧିବା ଏବଂ ହାତ ଧୋଇବା ଉପରେ ଅଭ୍ୟାସ ଜାରି ରଖିବାକୁ ପରାମର୍ଶ ଦେଇଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
