ଭଞ୍ଜନଗର : 9ଟି ପରିବାରର ଜଳିଗଲା 18 ବଖରା ଘର । ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଜଳିଗଲା 18 ବଖରା ଘର,ଅଗ୍ନି ବିପନ୍ନଙ୍କୁ ସହାୟତା ଦାବି
ସୂଚନା ଅନୁସାରେ, ଗଞ୍ଜାମର ସୋରଡ଼ା ଥାନା ରାଧାକୃଷ୍ଣପୁରରେ ଗାଁର ଲୋକେ ଇଲେକ୍ଟ୍ରି ବିଲ ବାନ୍ଧିବାକୁ ସୋରଡ଼ାକୁ ଯାଇଥିଲେ । ହଠାତ୍ କୌଣସି କାରଣରୁ ଗାଁରେ ନିଆଁ ଲାଗିଯାଇଥିଲା। ନିଆଁର ଭୟାବହତା ଅଧିକ ଥିବାରୁ ଗ୍ରାମବାସୀ ନିଆଁକୁ ଆୟତ୍ତ କରି ପାରି ନଥିଲେ । ଫଳରେ ଚାହୁଁ ଚାହୁଁ ଆଖି ପିଛୁଳାକେ 18 ଘର ଜଳି ପାଉଁଷ ହୋଇ ଯାଇଥିଲା । ଘଟଣାସ୍ଥଳରେ ଖବରପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଘରର ଆସବାବପତ୍ର ଠୁ ଆରମ୍ଭ କରି ଖାଦ୍ୟ ସାମଗ୍ରୀ ନିଆଁରେ ପୋଡି ଯାଇଛି। ତେବେ, ଅଗ୍ନି ବିପନ୍ନଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
