ଗଜପତି: ଜିଲ୍ଲା ଅନ୍ତର୍ଗତ ରାୟଗଡା ବ୍ଲକ ମାର୍ଲବା ଘାଟିରେ ଦୁର୍ଘଟଣାର ଶିକାର ହେଲା ତେଲ ଟ୍ୟାଙ୍କର । ଉକ୍ତ ତେଲ ଟ୍ୟାଙ୍କର ଏହି ଘାଟିରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ଘଟଣାସ୍ଥଳରେ ଉକ୍ତ ଟ୍ୟାଙ୍କରରୁ ତେଲ ବୋହିଯାଉଥିବା ଦେଖି ସ୍ଥାନୀୟ ଲୋକେ ବୋତଲରେ ତେଲ ସଂଗ୍ରହ କରୁଥିବା ଦୃଶ୍ୟ ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ପ୍ରତିନିଧି, ଗଜପତି
ସେପଟେ ଦୁର୍ଘଟଣାରେ ଟ୍ୟାଙ୍କର ଡ୍ରାଇଭର ସହ କ୍ଳିନର ଗୁରୁତର ଆହତ ହେଇଛନ୍ତି । ତେବେ ଆହତଙ୍କୁ ଘଟଣାସ୍ଥଳରୁ ସଦର ମହକୁମା ପାରଳାଖେମୁଣ୍ଡି ସରକାରୀ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଅନ୍ୟପଟେ ଘଟଣାସ୍ଥଳରେ ସ୍ଥାନୀୟ ବାସିନ୍ଦା ତେଲ ସଂଗ୍ରହ କରୁଥିବା ବେଳେ ଭିଡ ଅଧିକ ବଢୁଥିବା ଦେଖି ପୋଲିସ ଘଟଣାସ୍ଥଳରେ ପହଞ୍ଚିଛି । ଭିଡକୁ ଆୟତ କରିବାପାଇଁ ଏବଂ କୌଣସି ଅଘଟଣ ନହେବା ପାଇଁ ପୋଲିସ ମୁତୟନ କରାଯାଇ ପରିସ୍ଥିତିକୁ ଆୟତ କରାଯାଇଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
