ଢେଙ୍କାନାଳ: ରାସ୍ତା କାମ ପାଇଁ ଗଦା ହୋଇଥିବା ମାଟିରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମହିଳା ଜଣଙ୍କ ସ୍ବାମୀଙ୍କ ସହ ଶିଶୁ ପୁଅକୁ ନେଇ ସ୍କୁଟିରେ ଯାଉଥିବାବେଳେ ମାଟିଗଦା ଯୋଗୁଁ ପଛରୁ ଏକ ଟ୍ରକ ତାଙ୍କ ଉପରେ ମାଡି ଯାଇଥିବା ଜଣାପଡିଛି । ଏହି ଦୁର୍ଘଟଣା ଘଟଣା ଘଟିଛି ଏନ ଏଚ-୫୫ର ଢେଙ୍କାନାଳ ସଦର ଥାନା ଅନ୍ତର୍ଗତ କାଉଁରିଆପାଳ ତାରିଣୀ ମନ୍ଦିର ନିକଟରେ ।
ଏହି ଦୁର୍ଘଟଣାରେ ମୃତ ମହିଳା ଜଣଙ୍କ ବନରପାଳ ଥାନା ଅନ୍ତର୍ଗତ ବୁଢ଼ାପଙ୍କ ଗ୍ରାମର ପ୍ରତିମା ମହାନ୍ତି ବୋଲି ଜଣାପଡିଛି । ଅପର ପକ୍ଷରେ ତାଙ୍କ ସ୍ବାମୀ ପ୍ରଶାନ୍ତ ମହାନ୍ତି ଓ ଚାରିବର୍ଷର ଶିଶୁ ଆହତ ହୋଇଥିବାବେକେ ସେମାନଙ୍କୁ ଚିକିତ୍ସାପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଏହି ଦୁର୍ଘଟଣା ପରେ ସ୍ଥାନୀୟ ଲୋକ ଦୁର୍ଘଟଣା ସ୍ଥଳରେ ଜାତୀୟ ରାଜପଥ ଅବରୋଧ କରିଥିଲେ । ଫଳରେ ରାଜପଥରେ ସାଧାରଣ ଯାତାୟାତ ବାଧାପ୍ରାପ୍ତ ହୋଇଥିଲା । ଖବର ପାଇଁ ସଦର ଥାନା ପୁଲିସ ଓ ଓଡ଼ପଡା ତହସିଲଦାର ପହଁଞ୍ଚି ବୁଝା ସୁଝା କରିବା ସହ ମୃତକ ପରିବାରକୁ ଆର୍ଥିକ ଅନୁକମ୍ପା ପ୍ରଦାନ କରିବାପରେ ରାସ୍ତା ଅବରୋଧ ହଟିଥିବା ଜଣାପଡିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
