ଢେଙ୍କାନାଳ: ଏନ୍ଏଚ୍-୫୫ରେ ସଡକ ଦୁର୍ଘଟଣା । ସହର ଉପକଣ୍ଠ ଆନନ୍ଦ ନଗର ନିକଟରେ ଓଏସଏପି ଫାଷ୍ଟ ବାଟାଲିୟନର ଜିପକୁ ଧକ୍କା ଦେଇ ପଳାଇଲା ଅଜଣା ଟ୍ରକ ।
ଦୁର୍ଘଟଣାରେ ଜଣେ ଡେପୁଟି ସୁଭେଦାରଙ୍କର ମୃତ୍ୟୁହୋଇଥିବା ବେଳେ, ୩ ଗୁରୁତର ଆହତ ହୋଇଛନ୍ତି । କୋରନା ଭାଇରସ ସଂକ୍ରମଣରୁ ବର୍ତ୍ତିବାନେଇ ସଚେତନତା କାର୍ଯ୍ୟକ୍ରମ ସାରି କଟକରୁ ଫେରୁଥିଲେ ଓଏସଏପି ଢେଙ୍କାନାଳ ଫାଷ୍ଟ ବାଟାଲିୟନର ପୁଲିସ କର୍ମଚାରୀ । ତେବେ ଢେଙ୍କାନାଳ ଫେରିବା ବାଟରେ ପୁଲିସ ଜିପ ଦୁର୍ଘଟଣାଗ୍ରସ୍ତ ହୋଇଛି । ଗୁରୁତର ସମସ୍ତଙ୍କୁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ମାତ୍ର ଡାକ୍ତରଖାନାରେ ଡେପୁଟି ସୁଭେଦାର ଭିକାରୀ ଚରଣ ସେଠୀଙ୍କର ମୃତ୍ୟୁ ଘଟିଥିବା ଜଣାପଡିଛି । ତେବେ ଅନ୍ୟ ଗୁରୁତର ୩ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କଟକ ସ୍ଥାନାନ୍ତରିତ କରାଯାଇଛି । ଗୁରୁତରଙ୍କ ମଧ୍ୟରେ ଓଏସପି କନଷ୍ଟେବଳ ଅଶ୍ବିନୀ ରାଉତ, ରାଜେନ୍ଦ୍ର ବିଶ୍ବାଳ ଓ ହୃଷିକେଶ ସିଂ ବୋଲି ଜଣାପଡିଛି । ଘଟଣାସ୍ଥଳକୁ ଟାଉନ ପୁଲିସ ଯାଇ ଦୁର୍ଘଟଣାଗସ୍ତ ଜିପକୁ ଉଦ୍ଧାର କରିବା ସହ ତଦନ୍ତ ଚଳାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
