ଢେଙ୍କାନାଳ: ସଦର ଥାନା ଅନ୍ତର୍ଗତ ଭାଟକାଟେଣି ଗ୍ରାମରେ ଅଭାବନୀୟ ଘଟଣା ଘଟିଛି । ଝୁଲନ୍ତା ଅବସ୍ଥାରେ ଶୋଇବା ଘରୁ ଜଣେ ମହିଳାଙ୍କ ମୃତଦେହ ଠାବ ହୋଇଛି । ମୃତ ମହିଳା ଜଣଙ୍କ ଭାଟ କାଟେଣି ଗ୍ରାମର ଗାୟତ୍ରୀ ନାୟକ । ଏହାକୁ ହତ୍ୟାକଣ୍ଡ ବୋଲି ଗାୟତ୍ରୀଙ୍କ ବାପ ଘର ଲୋକ ଅଭିଯୋଗ କରିଛନ୍ତି ।
ଗାୟତ୍ରୀ ଦୁଇ ବର୍ଷ ହେଲା ବିବାହ କରିଥିଲେ । ହେଲେ ବିବାହ ପରେ ସ୍ବାମୀ ତାଙ୍କୁ ମାଡ ମାରିବା ସହିତ ନିର୍ଯ୍ୟାତନା ଦେଉଥିଲେ । ଫଳରେ ଉଭୟଙ୍କ ମଧ୍ୟରେ ସମ୍ପର୍କ ଭଲ ନଥିଲା । ତେବେ ଗାୟତ୍ରୀଙ୍କ ସ୍ବାମୀ ଗାୟତ୍ରୀଙ୍କୁ ହତ୍ୟା କରି ଅଭିଯୋଗ ଆଣିଛନ୍ତି ଗାୟତ୍ରୀଙ୍କ ବାପଘର ଲୋକ । ଏନେଇ ଗାୟତ୍ରୀଙ୍କ ବାପଘର ଲୋକ ଥାନାରେ ଏତଲା ଦେଇଛନ୍ତି । ଏହି ଘଟଣାରେ ସଦର ଥାନା ପୁଲିସ ମୃତା ମହିଳାଙ୍କ ସ୍ୱାମୀ ଜିତୁ ନାୟକଙ୍କୁ ଅଟକ ରଖି ତଦନ୍ତ ଚଳାଇଛି ।
ଇଟିଭି ଭାରତ, ଢେଙ୍କାନାଳ
