ଢେଙ୍କାନାଳ: ଜିଲ୍ଲା ରାସୋଳ ଥାନା ମେଡିକାଲ୍ ଛକରେ ବାଇକକୁ ଏକ ସିମେଣ୍ଟ ବୋଝେଇ ମିନିଟ୍ରକ ଧକ୍କା ଦେଇଛି। ଫଳରେ ବାଇକରେ ଥିବା ୨ ଜଣଙ୍କ ସ୍ଥିତି ଗୁରୁତର ରହିଛି ।
ବାଇକକୁ ଧକ୍କା ଦେଲା ମିନି ଟ୍ରକ, ଜଣେ ମୃତ ଓ ଅନ୍ୟ ଜଣେ ଗୁରୁତର
ଗୁରୁତର 2ଜଣକୁ ପ୍ରଥମେ ରାସୋଳ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ଉଭୟଙ୍କ ଅବସ୍ଥା ଅତି ଗୁରୁତର ହେବାରୁ ତାଙ୍କୁ ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ତେବେ ହସ୍ପିଟାଲ ନେବା ରାସ୍ତାରେ ଜଣଙ୍କର ମୃତ୍ୟୁ ଘଟିଥିଲାବେଳେ ଆଉ ଜଣେ ଏବେବି ଗୁରୁତର ଅଛନ୍ତି । ମୃତକ ଜଣକ ହେଲେ ରସୋଲ ଥାନା ଆଳୁ ସିଂ ଗାଁର ଅଜୟ ଭୋଇ । ସେହିପରି ଗୁରୁତର ଜଣଙ୍କ ସେହି ଗାଁର ଛବି ଭୋଇ।
ଉଭୟେ ଗାଁରୁ ରାସୋଳ ହାଟକୁ ଯାଉଥିବାବେଳେ ଏହି ଦୁର୍ଘଟଣା ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ଗାଡି ସହ ଡ୍ରାଇଭରଙ୍କୁ ଗିରଫ କରିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
