କଟକ: କଟକ ଚାନ୍ଦବାଲି ରାସ୍ତାର କଟରପଡା ଛକରେ ଦୁର୍ଘଟଣା । ବାଇକ ଧକ୍କାରେ ଅସୁରେଶ୍ବରର ପୂର୍ବତନ ସରପଞ୍ଚ ତଥା ବିଶିଷ୍ଟ ସମାଜସେବୀ କ୍ଷୀରୋଦ ସାମନ୍ତରାୟଙ୍କ ମୃତ୍ୟୁ ହୋଇଥିବା ସୂଚନା । ଅନ୍ୟପଟେ ଘଟଣାରେ ମାହାଙ୍ଗା ଥାନା କୁରୁଜଙ୍ଗା ପଞ୍ଚାୟତର ବାଇକ ଆରୋହୀ ରବିନ୍ଦ୍ର କୁମାର ମଲ୍ଲିକ ଗୁରୁତର ହୋଇ ପଡିଥିବା ଜଣା ପଡିଛି ।
ଗୁରୁତର ରବିନ୍ଦ୍ରଙ୍କୁ ଚିକିତ୍ସା ପାଇଁ କଟକ ସ୍ଥାନାନ୍ତର କରାଯାଇଛି । ତେବେ ଘଟଣାରେ ମୃତ କ୍ଷୀରୋଦ ମାହଙ୍ଗା ଓ ନିଶ୍ଚିନ୍ତକୋଇଲି ଅଞ୍ଚଳରେ ଜଣେ ଗାନ୍ଧୀବାଦୀ ନେତା ଭାବେ ପରିଚିତ । ଅଞ୍ଚଳରେ ମଦ ବିରୋଧୀ ଆନ୍ଦୋଳନରେ ସକ୍ରିୟ ଭାବେ ଭାଗ ନେଇଥିବାରୁ ତାଙ୍କର ବିଭିନ୍ନ ଅନୁଷ୍ଠାନ ସହ ପ୍ରତ୍ୟକ୍ଷ ଭାବେ ସମ୍ପର୍କ ରହିଥିଲା । ତେଣୁ କ୍ଷୀରୋଦଙ୍କ ଅକାଳ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
