କଟକ: ରାତି ପାହିଲେ ଇଦ ଉଲ ଜୁହା ପର୍ବ । ଇଦକୁ ନେଇ କଟକରେ ସମସ୍ତ ମସଜିଦରେ ପ୍ରସ୍ତୁତି ଶେଷ ହୋଇଛି । ଏହା ଆସନ୍ତା କାଲିଠୁ ଆରମ୍ଭ ହୋଇ ବୁଧବାର ପର୍ଯ୍ୟନ୍ତ ଚାଲିବ । ଏନେଇ ସିଲଭର ସିଟିର ସମସ୍ତ ମସଜିଦରେ ସାମୁହିକ ନମାଜ ପାଇଁ ସମୟ ନିର୍ଧାରିତ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଇଦଗାହ ପଡିଆରେ 10ଟା ସମୟରେ ସାମୁହିକ ନମାଜ ପାଠ ହେବାର ସ୍ଥିର ହୋଇଛି । ସେହିପରି କଦମ ଏ ରସୁଲରେ ସାମୁହିକ ନମାଜ ସକାଳ 7.30 ଓ 8.30ରେ ପାଠ ଅନୁଷ୍ଠିତ ହେବ ।
ଅନ୍ୟପକ୍ଷେ ଏହି ବଡ଼ ପର୍ବ ପାଇଁ କମିଶନରେଟ ପୋଲିସର ସୁରକ୍ଷା ବଳୟ ମଧ୍ୟରେ ରହିଛି କଟକ ସହର । ଗତବର୍ଷ ପରି ଚଳିତବର୍ଷ ମଧ୍ୟ ସୁରୁଖୁରରେ ଇଦ ଉଲ ଜୁହା ପର୍ବ ପାଳନ ହେବ ବୋଲି ସୂଚନା ଦେଇଛନ୍ତି କଟକ ଡିସିପି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
