କଟକ: ନିଆଳି ବ୍ଲକ କୁଣ୍ଡିମ ବିଳାଶୁଣୀ ନିକଟ କନ୍ଦଳ ନଦୀରୁ ଏକ ବିରଳ ପ୍ରଜାତିର ମାଛ ଉଦ୍ଧାର ହୋଇଛି । 13 ଫୁଟ ଲମ୍ବର ଓ 7 ଫୁଟ ଚଉଡା ଏହି ବିରଳ ପ୍ରଜାତିର ମାଛକୁ ଶାଙ୍କୁଚ ବୋଲି କୁହାଯାଉଛି । ଉଦ୍ଧାର ଏହି ମାଛର ଓଜନ ପାଖାପାଖି 3 କ୍ବିଣ୍ଟାଲ ହେବ ।
ସୂଚନାନୁସାରେ, ମାଛ ଧରାଳିମାନେ ନଦୀରେ ମାଛ ଧରୁଥିବା ସମୟରେ ଏକ ବିରଳ ପ୍ରଜାତିର ମାଛକୁ ଉଦ୍ଧାର କରିଥିଲେ । ସ୍ଥାନୀୟ ଲୋକ ଓ ମାଛ ଧରାଳି ମାନେ ଘଟଣା ସମ୍ପର୍କରେ ବନବିଭାଗକୁ ଜଣାଇବା ପରେ ବନବିଭାଗ ଘଟଣାସ୍ଥଳରେ ପହଞ୍ଚି ଶାଙ୍କୁଚକୁ ଉଦ୍ଧାର କରିଛି । ସେପଟେ ପ୍ରାଣୀଚିକିତ୍ସା ଅଧିକାରୀଙ୍କ ଦ୍ବାରା ଶାଙ୍କୁଚର ସ୍ବାସ୍ଥ୍ୟବସ୍ଥା ଦେଖିବା ପରେ ତାର ସ୍ବାସ୍ଥ୍ୟ ଭଲ ଥିବା ଜଣାପଡ଼ିଛି । ଏହା ପରେ ମାଛଟିକୁ କନ୍ଦଳ ନଦୀର ଗଭୀର ଜଳରେ ବନବିଭାଗ ଛାଡିଛି ।
ତେବେ ଏତେ ବଡ ଶାଙ୍କୁଚ ମହାନଦୀକୁ କିଭଳି ଏବଂ କେଉଁଠୁ ଆସିଲା ତାହାକୁ ନେଇ ଚର୍ଚ୍ଚା ଜୋର ଧରିଛି । ତେବେ ଏହା ମଧୁରଜଳର ଶାଙ୍କୁଚ ବୋଲି ବନବିଭାଗ କର୍ମଚାରୀ ଅନୁମାନ କରୁଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
