କଟକ: ଜଗା ବଳିଆକୁ ଭେଟିଲେ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ଏସସିବି ମେଡିକାଲରେ ପହଞ୍ଚି ଉଭୟଙ୍କ ସ୍ବାସ୍ଥ୍ୟବସ୍ଥା ସମ୍ପର୍କରେ ଅବଗତ ହୋଇଛନ୍ତି ମନ୍ତ୍ରୀ । ତେବେ ଜଗା ସମ୍ପୂର୍ଣ୍ଣ ସୁସ୍ଥ ଥିବା ବେଳେ ବଳିଆର ସ୍ବାସ୍ଥ୍ୟ ଭଲ ନାହିଁ । ତେବେ ଖୁବ ଶୀଘ୍ର ଉଭୟ ଭଲ ହେବେ ବୋଲି କହିଛନ୍ତି ମନ୍ତ୍ରୀ ପ୍ରତାପ ଜେନା ।
ଏହା ସହିତ ବଳିଆର ସମସ୍ତ ପରୀକ୍ଷା ଓ ଚିକିତ୍ସା ଜାରି ରହିଛି । ଖୁବଶୀଘ୍ର ସେ ଭଲ ହୋଇଯିବ ବୋଲି ଆଶା ରହିଛି । ତେବେ ରାଜ୍ୟ ସରକାର ଉଭୟଙ୍କ ଚିକିତ୍ସାର ସମସ୍ତ ଖର୍ଚ୍ଚ ବହନ କରିବା ପାଇଁ ସ୍ଥିର କରିଛନ୍ତି । ଯାହା ଏକ ସ୍ବାଗତ ଯୋଗ୍ୟ ପଦକ୍ଷେପ ବୋଲି କହିଛନ୍ତି ପ୍ରତାପ ଜେନା ।
ଏକ ବିରଳ ଅସ୍ତ୍ରୋପଚାର ପରେ ଉଭୟଙ୍କୁ ଅଲଗା କରିବା ପରେ ଜଗାର ସ୍ବାସ୍ଥ୍ୟ ଅବସ୍ଥାରେ ଉନ୍ନତି ଆସିଛି । ଅପରେସନ ପାଇଁ ଓଡ଼ିଶାରୁ ଦିଲ୍ଲୀ ଯାଇଥିବା ଯୋଡ଼ା ମୁଣ୍ଡ ଶିଶୁ ଜଗା ବଳିଆଙ୍କ ଆଉ ପୂର୍ବ ପରି ସ୍ଥିତି ନାହିଁ । ଏବେ ଦୁହିଁଙ୍କ ମୁଣ୍ଡ ଅଲଗା ହୋଇଯାଇଛି । ଜଗା ମୁଣ୍ଡରେ ଖପୁରୀ ନଥିବାବେଳେ ସୁରକ୍ଷା ପାଇଁ ହେଲମେଟ ପିନ୍ଧାଯାଇଛି । ତେଣୁ ବର୍ତ୍ତମାନ ସ୍କୁଲରେ ପାଠ ପଢିବା କଷ୍ଟକର ବୋଲି କହିଛନ୍ତି ମନ୍ତ୍ରୀ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
