ନିଆଳି: ରାଜଧାନୀ ଉପକଣ୍ଠ ବାଲିଅନ୍ତା ଥାନା ପୁରୀ ମୁଖ୍ୟ କେନାଲକୁ ଖସିଲା କାର୍ । କାରରେ ଥିବା ୨ ଜଣଙ୍କ ପତ୍ତା ପାଉନାହାନ୍ତି ଉଦ୍ଧାରକାରୀ ଟିମ୍ । ଦୀର୍ଘ ୨ ଘଣ୍ଟା ଧରି ଗଭୀର ଜଳରେ ବୁଡ଼ି ରହିବା ପରେ ଶେଷରେ କ୍ରେନ୍ ଯୋଗେ କାରକୁ ଉଦ୍ଧାର କରା ଯାଇଥିଲେ ମଧ୍ୟ କାରରେ ଥିବା ୨ ଜଣଙ୍କ ପତ୍ତା ମିଳିନାହିଁ ।
କାରରେ ଥିବା ଦୁଇ ବ୍ୟକ୍ତି ହେଉଛନ୍ତି ଜ୍ୟୋତି ବେଷ୍ଟ ପ୍ୟାକର୍ସର ଡ୍ରାଇଭର ସନ୍ଦିପ କୁମାର ଏବଂ କର୍ମଚାରୀ ମହେନ୍ଦ୍ର କୁମାର । ବୁଧବାର ରାତି ପ୍ରାୟ ୧୨ ଟା ୧୦ ସମୟରେ ଜ୍ୟୋତି ବେଷ୍ଟ ପ୍ୟାକର୍ସର ଦୁଇଟି କାର୍ ଶିବ ଶକ୍ତି ନଗରକୁ ଯାଉଥିଲା । ପୁରୀ ମୁଖ୍ୟ କେନାଲ୍ ରାସ୍ତାରେ ଗୋଟିଏ କାର୍ ଭାରସାମ୍ୟ ହରାଇ କେନାଲ୍ ମଧ୍ୟକୁ ଖସିଯାଇଥିଲା । ସ୍ଥାନୀୟ ସିିକ୍ୟୁରିଟି ଗାର୍ଡ ଏହା ଦେଖି ତୁରନ୍ତ ପୋଲିସ୍ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ ।
ପୋଲିସ୍ ଏବଂ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଁଞ୍ଚି କ୍ରେନ୍ ଯୋଗେ କେନାଲରୁ କାରକୁ ଉପରକୁ ଆଣିଥିିଲେ ମଧ୍ୟ ସନ୍ଦିପ ଏବଂ ମହେନ୍ଦ୍ରଙ୍କ ପତ୍ତା ପାଇନାହିଁ । ଖବର ଲେଖା ହେବା ସୁଦ୍ଧା ଉଦ୍ଧାର କାର୍ଯ୍ୟ ଜାରି ରହିଛି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
