କଟକ: ବସ୍ତି ଉଚ୍ଛେଦକୁ ବିରୋଧ । ଶୁକ୍ରବାର ଶତାଧିକ ମହିଳା ମାନବ ଶୃଙ୍ଖଳ କରି ଏହାର ପ୍ରତିବାଦ କରିଛନ୍ତି । ବିକଳ୍ପ ସରକାରୀ ବାସ ବ୍ୟବସ୍ଥା ନହେବା ଯାଏଁ ଘର ଛାଡିବେ ନାହିଁ ବୋଲି ଚେତାବନୀ ଦେଇଛନ୍ତି ।
ବସ୍ତି ଉଚ୍ଛେଦକୁ ନେଇ ମାନବ ଶୃଙ୍ଖଳା ଦ୍ବାରା ପ୍ରତିବାଦ
କଟକ ସହରରେ ଶହ ଶହ ଘର ଏକାସାଙ୍ଗରେ ଭଡାରେ ମିଳିବା ସମ୍ଭବପର ନୁହେଁ । ଯେଉଁଠି ବି ଭଡା ଘର ମିଳୁଛି, ତାହା ସରକାରୀ ବାସଗୃହ ଭତ୍ତାର ତିନିଗୁଣ ଅଧିକ । ସେହିପରି ନୂତନ ଗୃହ ହେବା ଦ୍ବାରା ଠିକଣା ପରିବର୍ତ୍ତନ ଯୋଗୁଁ ଅନେକ ସମସ୍ୟାର ସମ୍ମୁଖୀନ ହେବାର ସମ୍ଭାବନା ରହିଛି ।
ସେହିପରି କଟକ ଜଗତପୁର ଅଞ୍ଚଳରେ ଯେଉଁ ଜମି ଯୋଗାଇ ଦିଆଯିବ ତାହା ମଶାଣି ଅଞ୍ଚଳରେ । ସେଠି ରହିବା ସମ୍ଭବପର ନୁହେଁ ବୋଲି ଆନ୍ଦୋଳନକାରୀ ଅଭିଯୋଗ କରିଛନ୍ତି । ତେବେ ବିକଳ୍ପ ବ୍ୟବସ୍ଥା ନକରି ଉଚ୍ଛେଦ ପ୍ରକ୍ରିୟା କଲେ ଏହାକୁ ଜୋରଦାର ବିରୋଧ କରାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
