ଭୁବନେଶ୍ବର: ରାଜ୍ୟପାଳଙ୍କୁ ଭେଟିଲେ ମୁଖ୍ୟ ନିର୍ବାଚନ ଅଧିକାରୀ । ରାଜ୍ୟପାଳଙ୍କୁ ଭେଟି ନବନିର୍ବାଚିତ ବିଧାୟକଙ୍କ ତାଲିକା ସହ ରାଜ୍ୟରେ ନିର୍ବାଚନ ଫଳାଫଳ ନେଇ ରାଜ୍ୟପାଳଙ୍କୁ ଅବଗତ କରାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜ୍ୟପାଳଙ୍କୁ ବିଜୟୀ ବିଧାୟକ ପ୍ରାର୍ଥୀଙ୍କ ତାଲିକା ପ୍ରଦାନ ଓ ନିର୍ବାଚନ ଫଳାଫଳ ସମ୍ପର୍କରେ ଅବଗତ କରିବା ଏକ ପ୍ରକ୍ରିୟା ଯାହା ପୂରଣ କରାଯାଉଛି ବୋଲି କିହଛନ୍ତି ସୁରେନ୍ଦ୍ର କୁମାର ।
ଏହା ପରେ ବିଜେଡି ସୁପ୍ରମୋ ନବୀନ ପଟ୍ଟନାୟକ ଆସି ରାଜ୍ୟପାଳଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ରାଜ୍ୟପାଳଙ୍କ ନିକଟରେ ସରକାର ଗଠନ କରିବା ନେଇ ଦାବି ଉପସ୍ଥାପନ କରିବେ ନବୀନ ପଟ୍ଟନାୟକ ।
ଏହାସହ ରବିବାର ବିଜେଡି ଦଳୀୟ କାର୍ଯ୍ୟାଳୟରେ ବିଜେଡିର ନବନିର୍ବାଚିତ ବିଧାୟକଙ୍କ ବୈଠକ ବସିଛି । ଏଥିରେ ସବସମ୍ମତି କ୍ରମେ ନବୀନ ପଟ୍ଟନାୟକଙ୍କୁ ବିଧାୟକ ଦଳର ନେତା ମନୋନୀତ କରାଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
