ବୌଦ୍ଧ: ଜିଲ୍ଲାର ୫୭ ନମ୍ବର ଜାତୀୟ ରାଜପଥ ବ୍ରିଜ ଛକ ନିକଟରେ ଦୁର୍ଘଟଣା । ବାଇକ ଉପରେ ଏକ ଟ୍ରକ ଚଢିଯିବା ଫଳରେ ଜଣେ ମୃତ ଆଉ ଜଣେ ଗୁରୁତର । ମୃତକ ହେଲେ ଟୁଟୁସିଙ୍ଗା ଗାଁର ମହେଶ ପ୍ରଧାନ । ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ତେବେ ଏଭଳି ଦୁର୍ଘଟଣା ବାରମ୍ବାର ହେବାରେ ଲାଗିଛି । ଯାହାଫଳରେ ଅନେକ ଧନଜୀବନ ନଷ୍ଟ ହେବାରେ ଲାଗିଛି । ଗତ ଗୁରୁବାର ମନମୁଣ୍ଡା ଥାନା ଅନ୍ତର୍ଗତ ମସିଣାପଡା ଠାରେ ଏକ ବାଇକ ଦୁର୍ଘଟଣାରେ ମଧ୍ୟ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣେ ଆହତ ହୋଇଥିଲେ । ଏହିଭଳି ଭାବେ ଜିଲ୍ଲାର ବିଭିନ୍ନ ସ୍ଥାନରେ ଦୁର୍ଘଟଣା ଘଟଣା ଦିନକୁ ଦିନ ବୃଦ୍ଧି ପାଇବାରେ ଲାଗିଛି ।
ଏହି ଘଟଣାରେ ସ୍ଥାନୀୟ ଲୋକେ ମୃତକର ଶବକୁ ରାସ୍ତା ଉପରେ ରଖି ବିରୋଧ କରିବା ସହ ଚାରି ଘଣ୍ଟା ପର୍ଯ୍ୟନ୍ତ ଆର୍ଥିକ ସହାୟତା ଓ ଟ୍ରାଫିକ ସମସ୍ୟା ନେଇ ରାଜପଥ ଅବରୋଧ କରିଥିଲେ । ଖବରପାଇ ପିଡି ସୂର୍ଯ୍ୟନାରାୟଣ ଦାସ, ବୌଦ୍ଧ ଥାନା ଅଧିକାରୀ ତପସ୍ବିନୀ କହଁର ଓ ଏସଡିପିଓ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା ।
ଏହାପରେ ମୃତକଙ୍କ ପରିବାରକୁ 50 ହଜାର ଟଙ୍କା ଓ ଇନସୁରାନ୍ସ ବାବଦକୁ ଟଙ୍କା ଦେବା ପାଇଁ ପ୍ରତିଶୃତି ଦେବାପରେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଥିଲା ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
