ବୌଦ୍ଧ : ଜିଲ୍ଲାରେ ଦିନକୁ ଦିନ ବଢିବାରେ ଲାଗିଛି ସଡକ ଦୁର୍ଘଟଣା । ଦୁର୍ଘଟଣାରେ ମୃତ୍ୟୁ ଘଟିଥିବା ଲୋକଙ୍କୁ ଆଜି ସ୍ମରଣ କରିବା ସହିତ ଲୋକଙ୍କୁ ସଚେତନ ହେବାକୁ ପରାମର୍ଶ ଦିଆଯାଇଛି ।
ବୌଦ୍ଧରେ ରବିବାର ସଡକ ଦୁର୍ଘଟଣାରେ ମୃତ୍ୟୁବରଣ କରିଥିବା ସ୍ବର୍ଗତ ଆତ୍ମାଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ପରିବହନ ବିଭାଗ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ପିଡି ସୂର୍ଯ୍ୟ ନାରାୟଣ ଦାସ,ଏସପି ଭି ରଘୁନାଥ ରାଓ, ଉପଜିଲ୍ଲାପାଳ ଏନସି ଜ୍ୟୋତିରଂଜନ ନାଏକ, ପରିବହନ ଅଧିକାରୀ ପ୍ରମୁଖ ଯୋଗ ଦେଇ ଜିଲ୍ଲାରେ ବୃଦ୍ଧି ପାଉଥିବା ସଡକ ଦୁର୍ଘଟଣାରେ ମୃତ୍ୟୁକୁ ନେଇ ଗଭୀର ଉଦବେଗ ପ୍ରକାଶ କରିଥିଲେ ।
ସୂଚନାଯୋଗ୍ୟ ୨୦୧୬ ମସିହାରେ ୧୨୨ଟି ଦୁର୍ଘଟଣାରେ ୩୫ଜଣ, 20୧୭ରେ ୧୫୬ ଜଣଙ୍କ ମଧ୍ୟରୁ୪୯ ଜଣ,20୧୮ରେ ୧୬୬ ମଧ୍ୟରୁ ୪୬ଜଣ ଓ ୨୦୧୯ ବର୍ତ୍ତମାନ ସୁଦ୍ଧା ୧୫୦ ଗୋଟି ରାସ୍ତା ଦୁର୍ଘଟଣା ମଧ୍ୟରୁ ୫୨ ଜଣଙ୍କ ପ୍ରାଣହାନୀ ଘଟିସାରିଛି । ଏହି ଅବସରରେ ସଡକ ଦୁର୍ଘଟଣା ରେ ଆହତଙ୍କୁ ଉଦ୍ଧାର ନିମନ୍ତେ ଛାତ୍ରଙ୍କୁ ପୁରସ୍କୃତ କରାଯାଇଥିଲା ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
