ବୌଦ୍ଧ: ଜିଲ୍ଲାରେ ଘମାସାନ ହେଉଛି ତ୍ରୀସ୍ତରୀୟ ପଞ୍ଚାୟତ ନିର୍ବାଚନ । ବୌଦ୍ଧ ଜିଲ୍ଲାର ସମୁଦାୟ ୯ଟି ଜିଲ୍ଲା ପରିଷଦ ଜୋନରେ ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସର ପ୍ରାର୍ଥୀମାନେ ବର୍ତ୍ତମାନ ଡୋର ଟୁ ଡୋର କ୍ୟାମ୍ପେନ ଆରମ୍ଭ କରିଦେଇଛନ୍ତି ।
ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ୩ ନମ୍ବର ଜୋନରେ କିଭଳି ନିର୍ବାଚନର ମାହୋଲ ରହିଛି ତାହା ପରଖିବାକୁ ମନମୁଣ୍ଡା ଠାରେ ପହଞ୍ଚିଥିଲା ଇଟିଭି ଭାରତ ଟିମ । ତିନି ନମ୍ବର ଜୋନରେ ତିନି ପ୍ରମୁଖ ରାଜନୈତିକ ଦଳର ପ୍ରାର୍ଥୀଙ୍କ ମଧ୍ୟରୁ ଶାସକ ବିଜେଡି ଦଳ ଦୀର୍ଘ ବର୍ଷରୁ କଣ୍ଟାମାଳ ବ୍ଲକ ଆସନକୁ ଦଖଲ କରିଥିବା ବରିଷ୍ଠ ନେତା ଶଙ୍କର୍ଷଣ ପ୍ରଧାନଙ୍କ ଉପରେ ଆସ୍ଥା ପ୍ରକଟ କରିଛି ।
ବିଜେଡି ଦଳକୁ ସାମ୍ନା କରିବାକୁ ଉଭୟ ବିଜେପି ଓ କଂଗ୍ରେସର ପ୍ରାର୍ଥୀ ମାନେ ମଧ୍ୟ ଜୋରସୋରରେ ପ୍ରଚାର ଆରମ୍ଭ କରିଦେଇଛନ୍ତି । ଆଠ ଗୋଟି ପଞ୍ଚାୟତକୁ ନେଇ ଗଠିତ ଏହି ୩ ନମ୍ବର ଜୋନରେ ଶାସକ ବିଜେଡି ସୁବିଧାଜନକ ସ୍ଥିତିରେ ରହିଥିବାବେଳେ ଏଠାରେ ବିଭିନ୍ନ ପ୍ରସଙ୍ଗକୁ ନେଇ ଭୋଟର ନିଜ ମତ ସାବ୍ୟସ୍ତ କରିବେ ବୋଲି ସୂଚନା ମିଳିଛି ।
