ବୌଦ୍ଧ: ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତିର ଗନ୍ଧ । ସୋମବାର ଏସମ୍ପର୍କରେ ହିତାଧିକାରୀମାନେ ବୌଦ୍ଧ ପଞ୍ଚାୟତ ସମିତିକୁ ଆସି ଅଭିଯୋଗ କରିଛନ୍ତି ।
ବଘିଆପଡା ପଞ୍ଚାୟତରେ ଆବାସ ଯୋଜନାରେ ଦୁର୍ନୀତି ଅଭିଯୋଗ
ବୌଦ୍ଧ ଜିଲ୍ଲା ବଘିଆପଡା ପଞ୍ଚାୟତ ଅନ୍ତର୍ଗତ ଏରଡା ଗ୍ରାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଚଞ୍ଚକତା ଅଭିଯୋଗ ହୋଇଛି । ଇସିସି ତାଲିକାରେ ନା ଥିଲେ ମଧ୍ୟ ହିତାଧିକାରୀଙ୍କ ନାମ ବର୍ଷେ ପରେ ମଧ୍ୟ ତଳକୁ ତଳକୁ ଘୁଞ୍ଚି ଘୁଞ୍ଚି ଯାଉଛି । ବୁଦ୍ଧିଜୀବୀ ଏନେଇ ସିଧାସଳଖ ପଞ୍ଚାୟତର ସରପଞ୍ଚ ଓ ପଞ୍ଚାୟତ ଅଧିକାରୀଙ୍କ ଆଡକୁ ଆଙ୍ଗୁଠି ଉଠାଇଛନ୍ତି । ବଘିଆପଡା ପଞ୍ଚାୟତରେ ଆବାସ ଯୋଜନାରେ ବ୍ୟାପକ ଦୁର୍ନୀତି ହେଉଥିବା ବୁଦ୍ଧିଜୀବୀ ଖୋଲାଖୋଲି ଅଭିଯୋଗ କରିବା ସହ ଆଗାମୀ ଦିନରେ ଆନ୍ଦୋଳନ ପାଇଁ ସଜବାଜ ହେଉଥିବା ସୂଚନା ଦେଇଛନ୍ତି । ଏସମ୍ପର୍କରେ ଉଚ୍ଚ ସ୍ତରୀୟ ତଦନ୍ତ କରିବାକୁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
