ବୌଦ୍ଧ: ଶୁକ୍ରବାର ଓଡ଼ିଶାର ବିଭିନ୍ନ ସ୍ଥାନରେ ବାତ୍ୟା ଫନି ଘଟାଇଛି ଅନେକ କ୍ଷୟକ୍ଷତି । ଏପଟେ ବୌଦ୍ଧ ଜିଲ୍ଲାରେ ମଧ୍ୟ ଫନି ପ୍ରଭାବରେ ବିଭିନ୍ନ ସ୍ଥାନରେ ଝିପଝିପ ବର୍ଷା ଲାଗିରହିଛି । ଗୋଟିଏ ପଟେ ଫନି ଓଡ଼ିଶାରେ ପହଞ୍ଚି ଥିବା ସମୟରେ ଆଉ ଜଣେ ଫନି ପ୍ରଥମ ଥର ପାଇଁ ଆଖି ଖୋଲିଛି । ତେବେ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟରେ ଘଟିଛି ଏମିତି ଏକ ଘଟଣା ।
ଭିଡିଓ ସୈଜନ୍ୟ: ପ୍ରତିନିଧି, ବୌଦ୍ଧ
ଶୁକ୍ରବାର ଫନି ଲ୍ୟାଣ୍ଡଫଲ କରିଥିବା ବେଳେ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜନ୍ମଗ୍ରହଣ କରିଛି କନ୍ୟା ସନ୍ତାନ ଫନି । ପିତା ପ୍ରଶାନ୍ତ ଓ ମାତା ପୂଜାରାଣୀଙ୍କ ପ୍ରଥମ ସନ୍ତାନ ଭାବରେ ଜନ୍ମ ନେଇଛି ଏହି କୁନି ଝିଅ । ଏଭଳି ଏକ ଘଡିସନ୍ଧି ମୂହୁର୍ତ୍ତରେ କନ୍ୟା ସନ୍ତାନ ଜନ୍ମ ହେତୁ ଝିଅର ନାମ ଫନି ରଖିବାକୁ ସ୍ଥିର କରିଛନ୍ତି ପରିବାର ଲୋକ ।
ଫନିର ଜନ୍ମକୁ ନେଇ ପରିବାରରେ ଖେଳି ଯାଇଛି ଖୁସିର ଲହରୀ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
