ଭଦ୍ରକ : ନିଜର ହକ୍ ପାଇଁ ରଣ ହୁଙ୍କାର ଦେଲେ ମହିଳା ସଂଘ । ଦାବି ପୂରଣ ନିମନ୍ତେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରକୁ ଧସେଇ ପଶିଥିଲେ ମହିଳାମାନେ । ଆଜି ସାଳନ୍ଦୀ ସହରସ୍ତରୀୟ ମହାସଂଘ ପକ୍ଷରୁ ୧୦ଦଫା ଦାବି ନେଇ ଜିଲ୍ଲାପାଳଙ୍କ ଅଫିସ ଘେରାଉ କାର୍ଯ୍ୟକ୍ରମ ରହିଥିଲା । ଏହି ପ୍ରରିପେକ୍ଷୀରେ ସ୍ଥାନୀୟ ଗାନ୍ଧୀ ପଡିଆ ଠାରୁ ଏକ ବିଶାଳ ମହିଳା ରାଲି ବାହାରି ସହର ପରିକ୍ରମା କରିଥିଲେ ।
ଶେଷରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିଭିନ୍ନ ନାରାବାଜି କରିଥିଲେ। ଏପରିକି ମହିଳାମାନେ ନିଜ ଦାବିକୁ ଜିଲ୍ଲାପାଳଙ୍କୁ ଜଣାଇବା ପାଇଁ ପୋଲିସ ସହ ଧସ୍ତାଧସ୍ତି କରିବା ସହ ମୁଖ୍ୟ ଗେଟକୁ ଠେଲି ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରକୁ ଧସେଇ ପଶିଥିଲେ । ତେବେ ବିଭିନ୍ନ ଦାବି ନେଇ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିବା ବେଳେ ପୋଲିସ ସେମାନଙ୍କୁ କାବୁ କରିବାରେ ସକ୍ଷମ ହୋଇଥିଲା ।
ଯଦି ଆମ ଅଭିଯୋଗ ପ୍ରଶାସନ କର୍ଣ୍ଣପାତ ନକରନ୍ତି, ତାହାଲେ ଆଗାମୀ ଦିନରେ ବ୍ୟାପକ ଆନ୍ଦୋଳନ ହେବ ବୋଲି ଚେତାବନୀ ଦିଆଯାଇଛି । ତେବେ ଏନେଇ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଇଟିଭି ଭାରତ, ଭଦ୍ରକ
