ଭଦ୍ରକ: ଭଣ୍ଡାରୀ ପୋଖରୀ ଅଞ୍ଚଳରେ କଳା ପଲସର ଆତଙ୍କ । କଳା ପଲସରରେ ଆସି ଦୁର୍ବୃତ୍ତ ଝାମ୍ପି ନେଲେ ଦେଢଲକ୍ଷ ଟଙ୍କା । ଭଣ୍ଡାରିପୋଖରୀ ଥାନା ଅଧିନସ୍ଥ ମଞ୍ଜୁରୀରୋଡ ସ୍ଥିତ ଆହ୍ଲାବାଦ ବ୍ୟାଙ୍କ ଶାଖା ସମ୍ମୁଖରୁ ଏଭଳି ଲୁଟ୍ ହୋଇଛି । ଧରା ପଡିଯିବା ଭୟରେ ବାଇକ ଛାଡି ଚାଲିଗଲେ ଯୁବକ ।
ଭଦ୍ରକରେ କଳାପଲସର ଆତଙ୍କ, ଝାମ୍ପି ନେଲେ ଦେଢ ଲକ୍ଷ ଟଙ୍କା
ସୂଚନା ଅନୁସାରେ, ବ୍ୟବସାୟୀ ଅଗେଇ ବେହେରା ସ୍ଥାନୀୟ ଆହ୍ଲାବାଦ ବ୍ୟାଙ୍କକୁ ଦେଢଲକ୍ଷ ଟଙ୍କା ଡିପୋଜିଟ ପାଇଁ ଯାଇଥିଲେ । ବ୍ୟାଙ୍କ ଗେଟ ନିକଟ ଚେୟାରରେ ବସିଥିବା ବେଳେ ହଠାତ୍ ଦୁଇଜଣ ଦୁର୍ବୃତ୍ତ ଆସି ଟଙ୍କା ବ୍ୟାଗ ଝାମ୍ପିନେଇ ପଲସର ବାଇକରେ ଖସିଯିବାକୁ ପାଇଁ ଉଦ୍ୟମ କରିଥିଲେ ।
ହେଲେ ସ୍ଥାନୀୟ ଲୋକେ ପିଛା କରିବାରୁ ଉଭୟ ଲୁଟେରା ବାଇକକୁ ଛାଡି ପଳାଇଛନ୍ତି । ଲୁଟରେ ବ୍ୟବହାର ହୋଇଥିବା ବାଇକଟି କେନ୍ଦୁଝର ଜିଲ୍ଲା ନନ୍ଦିପଦା ଥାନା ଅଞ୍ଚଳର ବୋଲି ଜଣାପଡିଛି । ଅନ୍ୟପଟେ ଘଟଣାର ତଦନ୍ତ ଆରମ୍ଭ କରିଛି ଭଣ୍ଡାରିପୋଖରୀ ପୋଲିସ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
