ବାଲେଶ୍ବର: ମୋବାଇଲ ଚୋରୀ ସନ୍ଦେହରେ ଜଣେ ଯୁବକଙ୍କୁ ନିସ୍ତୁକ ମାଡ । ବାଲେଶ୍ବରର ଜଳେଶ୍ବର ରେଳଷ୍ଟେସନ ସମ୍ମୁଖରେ ଦେଖିବାକୁ ମିଳିଥିଲା ଏଭଳି ଘଟଣା । ସେପଟେ, ରେଳବାଇ ପୋଲିସ ସମ୍ମୁଖରେ ଏପରି ଘଟଣା ଘଟିଥିଲେ ମଧ୍ୟ ଦେଖଣାହାରୀ ସାଜିଥିଲା ପୋଲିସ ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଜଳେଶ୍ବର ରେଳଷ୍ଟେସନରେ ଖଡଗପୁର-ଭଦ୍ରକ ଟ୍ରେନ ଚଢିଲାବେଳେ ଜଣେ ବ୍ୟକ୍ତିଙ୍କ ଫୋନ ଚୋରୀ ହୋଇଯାଇଥିଲା । ଏହି ଅଭିଯୋଗରେ ଜଣେ ବଙ୍ଗୀୟ ଯୁବକଙ୍କୁ ମୋବାଇଲ ଚୋର ବୋଲି ସନ୍ଦେହ କରି ସେଠାରେ ଥିବା ଅନ୍ୟ ଯାତ୍ରୀ ନିର୍ଦ୍ଧୁମ ମାଡ ମାରିଥିଲେ । ଘଟଣାସ୍ଥଳରେ ରେଳବାଇ ପୋଲିସ ଉପସ୍ଥିତ ଥାଇ ମଧ୍ୟ ନୀରବ ହୋଇ ଏ ଘଟଣାକୁ ଦେଖୁଥିଲା।
ସେହି ଯୁବକଙ୍କୁ ମାଡ ମାରିବା ପରେ ପୋଲିସର ଜିମା ଦେଇଥିଲେ ଲୋକେ । ଏହାପରେ ରେଳବାଇ ପୋଲିସ ସମ୍ପୃକ୍ତ ଯୁବକଙ୍କୁ ଅଟକ ରଖି ପଚରାଉଚୁରା ଆରମ୍ଭ କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
