ବାଲେଶ୍ଵର: ଜିଲ୍ଲା ବସ୍ତା ପୋଲିସ ୧୦୫ ଗ୍ରାମ ବ୍ରାଉନସୁଗର ଜବତ କରିବା ସହ ଜଣଙ୍କୁ ଗିରଫ କରିଛି । ଏନେଇ ଆଜି ବସ୍ତା ପୋଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସମସ୍ତ ସୂଚନା ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ବିଶେଷ ସୂତ୍ରରୁ ଖବର ପାଇ ବସ୍ତା ପୋଲିସ ସଦାନନ୍ଦପୁର ଗ୍ରାମରେ ଚଢାଉ କରି ୧୦୫ ଗ୍ରାମ ବ୍ରାଉନସୁଗାର ସହିତ ଉକ୍ତ ଅଞ୍ଚଳର ବାଙ୍ଗୁରୁ ଓରଫ ସେକ ଆଲାମକୁ ଗିରଫ କରିଥିଲା । ଜବତ ହୋଇଥିବା ବ୍ରାଉନ ସୁଗାରର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କା ବୋଲି ଜଣାପଡିଛି । ସେପଟେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ପୋଲିସ ସୂଚନା ଦେଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
