ବାଲେଶ୍ବର: ନେସ୍କୋ ମାଲ ଗୋଦାମରେ ଭୟାବହ ଅଗ୍ନିକାଣ୍ଡ । ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଥିବା ସୂଚନା ମିଳିଛି ।
ନେସ୍କୋ ମାଲ ଗୋଦାମରେ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ
ସୂଚନାନୁସାରେ, ବାଲିଆ ସ୍ଥିତ ନେସ୍କୋର ମାଲ ଗୋଦାମରେ ହଠାତ ନିଆଁ ଲାଗିଯାଇଥିଲା । ନିଆଁର ପ୍ରକୋପ ମାତ୍ରାଧିକ ଥିବାରୁ ବହୁ ସମ୍ପତ୍ତି ପୋଡି ହୋଇଯାଇଥିବା ଜଣାପଡିଛି । ତେବେ ମାଲ ଗୋଦାମରେ ଥିବା ବୈଦ୍ୟୁତିକ ଉପକରଣ ସମେତ କେବୁଲ, ଟ୍ରାନ୍ସଫର୍ମର ଆଦି ପୋଡିଯାଇଛି । ଖବର ପାଇ ଘଟଣାସ୍ଥଳରେ 2ଟି ଦମକଳ ବାହିନୀ ପହଞ୍ଚି ନିଆଁ ଲିଭା କାର୍ଯ୍ୟରେ ଲାଗିଥିବା ବେଳେ ବିଜୁଳି ମାରିବା ଯୋଗୁଁ ସଟସର୍କିଟ ହୋଇ ନିଆଁ ଲାଗିଥିବା ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
