ବଲାଙ୍ଗୀର: ଜିଲ୍ଲାର ସର୍ବ ପୁରାତନ କଲେଜ ରାଜେନ୍ଦ୍ର ମହାବିଦ୍ୟାଳୟକୁ ସରକାର ବିଶ୍ୱବିଦ୍ୟାଳୟର ମାନ୍ୟତା ଦେଲେ । ହେଲେ ଏଯାଏଁ ଏଠାରେ ଅଧ୍ୟାପକ ଓ ଅନ୍ୟାନ୍ୟ କର୍ମଚାରୀ ସମସ୍ୟା ଯଥା ପୂର୍ବମ ତଥା ପରମ । ଦୁଇ ବର୍ଷ ହେବ କଲେଜ ବିଶ୍ବବିଦ୍ୟାଳୟ ଭାବେ କାର୍ଯ୍ୟ କରି ଆସୁଥିଲେ ମଧ୍ୟ ଅଧ୍ୟାପକଙ୍କ ସମସ୍ଯା ଦୂର ହୋଇପାରୁ ନ ଥିବା ଅଭିଯୋଗ ହୋଇଛି ।
ତେବେ ଏଠାରେ 127 ଅଧ୍ୟାପକ ଆବଶ୍ୟକ ଥିବାବେଳେ ବିଶ୍ବବିଦ୍ୟାଳୟର 7 ଜଣ ଅଧ୍ୟାପକ ଓ ଅସ୍ଥାୟୀ ଭାବରେ 70 ଜଣ ଅଧ୍ୟାପକ ଅଛନ୍ତି । ଯାହା ଫଳରେ ପିଲାଙ୍କ ପାଠପଢ଼ାରେ ସମସ୍ୟା ହେଉଛି । ସମାନ ଭାବରେ ଏଠାରେ 120 ଜଣ ଅନ୍ୟାନ୍ୟ ବିଭିନ୍ନ ବର୍ଗର କର୍ମଚାରୀ ଆବଶ୍ୟକ ଥିବାବେଳେ ଅଛନ୍ତି ମାତ୍ର 9 ଜଣ କର୍ମଚାରୀ । ଫଳରେ ବିଶ୍ୱବିଦ୍ୟାଳୟର ଦୈନନ୍ଦିନ କାର୍ଯ୍ୟରେ ବାଧା ଉପୁଜୁ ଥିବା କୁହାଯାଉଛି ।
ସେପଟେ ଆଜି(ବୁଧବାର) ପୂର୍ବତନ ମନ୍ତ୍ରୀ ତଥା ସାଂସଦ ଅନଙ୍ଗ ଉଦୟ ସିଂହଦେଓ ବିଶ୍ୱବିଦ୍ୟାଳୟ ବୁଲି ଦେଖିବା ସହ ବିଭିନ୍ନ ଉନ୍ନୟନମୂଳକ କାର୍ଯ୍ୟର ତଦାରଖ କରିଛନ୍ତି । ବିଶ୍ବବିଦ୍ୟାଳୟର ସମସ୍ୟାକୁ ନେଇ ମୁଖ୍ୟମନ୍ତ୍ରୀଙ୍କ ନିକଟରେ ପହଞ୍ଚାଇବେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
