ବଲାଙ୍ଗୀର: ଆଦିବାସୀଙ୍କ ପ୍ରସିଦ୍ଧ ମଠଖାଇ ମନ୍ଦିରରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି ହୋଇଥିବା ଅଭିଯୋଗ ହୋଇଛି । ଯାହାକୁ ନେଇ ବଲାଙ୍ଗୀର ସଦର ପୋଲିସ ତନାଘନା ଆରମ୍ଭ କରିଛି ।
ବଲାଙ୍ଗୀର ପ୍ରସିଦ୍ଧ ମଠଖାଇ ମନ୍ଦିରରୁ ଅଳଙ୍କାର ଚୋରି
ବଲାଙ୍ଗୀର ଆଦିବାସୀଙ୍କ ପ୍ରସିଦ୍ଧ ମଠଖାଇ ମନ୍ଦିରରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି ଅଭିଯୋଗ ହୋଇଛି । ବଲାଙ୍ଗୀର ଟିଟିଲାଗଡ଼ ରାସ୍ତାରେ ପ୍ରସିଦ୍ଧ ମଠଖାଇ ମନ୍ଦିର ଅବସ୍ଥିତ । ଏହି ମନ୍ଦିରରୁ ତାଲା ଭଙ୍ଗା ଯାଇ ଦୁର୍ବୃତ୍ତମାନେ ମା ଲକ୍ଷ୍ମୀଙ୍କ ସୁନାହାର, ମୁକୁଟ ଓ ବିଶ୍ଵକର୍ମାଙ୍କ ସୁନାଚେନ, ମୁକୁଟ ଚୋରି କରିନେଇଛନ୍ତି । ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ । କିଏ ଓ କେଉଁ ସମୟରେ ଚୋରି କରିଛି ତାହା ଜଣା ପଡିନାହିଁ ।
ଏନେଇ ଅଭିଯୋଗ ହେବାପରେ ବଲାଙ୍ଗୀର ସଦର ପୋଲିସ ତନାଘନା ଆରମ୍ଭ କରିଛି । ଘଟଣାସ୍ଥଳକୁ ସାଇଣ୍ଟିଫିକ ଟିମ ସହ ଯାଇ ତଦନ୍ତ ଆରମ୍ଭ କରିଛି । ବର୍ତ୍ତମାନ ପର୍ଯ୍ୟନ୍ତ ଚୋରି ସାମଗ୍ରୀର ପତ୍ତା ମିଳିପାରିନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
