ଅନୁଗୋଳ: ଆଜି ବିଶ୍ବ ଫଟୋଗ୍ରାଫି ଡେ । ଯାହାକୁ ଧୁମଧାମ ରୂପେ ଅନୁଗୋଳ ଫଟୋଗ୍ରାଫି ଆସୋସିଏସନ ପାଳନ କରିଛି । ଫଟୋଗ୍ରାଫି ଏକ ମାଧ୍ୟମ, ଯାହାଦ୍ବାରା ସୂଚନାକୁ ସବୁ ସ୍ତରରେ ସହଜ ରୂପେ ପହଞ୍ଚାଯାଇପାରେ ।
କୌଣସି ଗୋଟିଏ ମୁହୂର୍ତର ଫଟୋ ପ୍ରତେକଙ୍କ ଜୀବନକୁ ମଧ୍ୟ ଆନ୍ଦୋଳିତ କରିପାରେ ଏହା କହିଛନ୍ତି ଅନୁଗୋଳ ଉପଜିଲ୍ଲାପାଳ ବାସୁଦେବ ଶତପଥୀ । ଅନୁଗୋଳ ଜିଲ୍ଲାପରିଷଦ ସମ୍ମିଳନୀ କକ୍ଷରେ ବିଶ୍ବ ଫଟୋଗ୍ରାଫି ଦିବସ ପାଳନ ଅବସରରେ ବାସୁଦେବ ଫଟୋଗ୍ରାଫର ମାନଙ୍କୁ ଏପରି ଅନେକ କଥା କହିଥିଲେ ।
ଅନୁଗୋଳ ଫଟୋଗ୍ରାଫର ଆସୋସିଏସନ ପକ୍ଷରୁ ଏହି ଦିବସର ଆୟୋଜନ କରାଯାଇଥିବା ବେଳେ ଏଥିରେ ବହୁ ବିଶିଷ୍ଟ ଫଟୋଗ୍ରାଫର ମାନେ ଯୋଗ ଦେଇଥିଲେ । ପୂର୍ବତନ ବନ ବିଭାଗ ବରିଷ୍ଠ ଅଧିକାରୀ ତଥା ୱାଲ୍ଡଲାଇଫ ଫଟୋଗ୍ରାଫର କମଳ ଲୋଚନ ପୁରୋହିତ ନିର୍ଦ୍ଦେଶକ ତଥା କ୍ୟାମେରା ମ୍ୟାନ ଅମୃତେନ୍ଦୁଙ୍କ ସହ ଫଟୋ ଓ ଭିଡିଓ ଗ୍ରାଫିରେ ନିଜର ଅନୁଭୂତି ବଖାଣିଥିଲେ । ତାଙ୍କ ଅନୁଯାୟୀ ଫଟୋ ହିଁ ଅତୀତକୁ ବଞ୍ଚାଇ ରଖେ ଆଉ ବାସ୍ତବତାକୁ ଲୋକଲୋଚନକୁ ଆଣେ ।
ଏହି ଅବସରରେ ଏକ ରକ୍ତଦାନ ଶିବିରର ମଧ୍ୟ ଆୟୋଜନ କରଯାଇଥିଲା । କାର୍ଯ୍ୟକ୍ରମରେ ଜିଲ୍ଲାର ସବୁ ଅଞ୍ଚଳର ଫଟୋଗ୍ରାଫର ମାନେ ଭାଗନେଇ ଥିଲେ । ଆଉ ରକ୍ତ ଦାନ କରିବାକୁ ସାମ୍ନାକୁ ଆସିଥିଲେ ଯୁବପିଢି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
