ଅନୁଗୋଳ: ରାଜ୍ୟରେ ଦିନକୁ ଦିନ ବଢିଚାଲିଛି ମହାମାରୀ କୋରୋନା ସଂକ୍ରମଣ । ଏପରିସ୍ଥିତିରେ ସଂକ୍ରମଣ ରୋକିବାକୁ ସାମାଜିକ ଦୂରତା ବଜାୟ ରଖିବା ପାଇଁ ଉଭୟ ସ୍ବାସ୍ଥ୍ୟ ବିଭାଗ ଓ ସରକାରଙ୍କ ପକ୍ଷରୁ ବାରମ୍ବାର ପରାମର୍ଶ ଦିଆଯାଉଥିବା ବେଳେ ଖୋଦ ଉପ ବାଚସ୍ପତି କଯ୍ୟକ୍ରମଙ୍କ କାର୍ଯ୍ୟକ୍ରମରେ ରହିନାହିଁ ସମାଜିକ ଦୂରତାର ଚିହ୍ନବର୍ଣ୍ଣ । ଏହା ହେଉଛି ତାର ଚିତ୍ର ।
ଅନୁଗୋଳ ସରକାରୀ ବସ ଷ୍ଟାଣ୍ଡରେ ସୋମବାର ଉପ ବାଚସ୍ପତି ରଜନୀକାନ୍ତ ସିଂ ଜେଇଇ ମେନ ପ୍ରବେଶିକା ପରୀକ୍ଷା ପାଇଁ ଯାଉଥିବା ପରୀକ୍ଷାର୍ଥୀଙ୍କ ସ୍ବାଗତ କରିବା ସହ ତାଙ୍କ ଯାତ୍ରାର ଶୁଭାରମ୍ଭ ପାଇଁ ଅତିଥି ଭାବେ ଯୋଗ ଦେବାକୁ ଆସିଥିଲେ । ହେଲେ ଏହି କାର୍ଯ୍ୟକ୍ରମରେ ସମାଜିକ ଦୂରତାର ନିୟମକୁ ଭୁଲିଯାଇଥିଲେ ସମସ୍ତେ ।
ସରକାରଙ୍କ ପକ୍ଷରୁ ଜେଇଇ ମେନ ପ୍ରବେଶିକା ପରୀକ୍ଷା ପାଇଁ ଯାଉଥିବା ପରୀକ୍ଷାର୍ଥୀଙ୍କୁ ଯୋଗାଇ ଦିଆଯାଇଛି ସମସ୍ତ ପ୍ରକାରର ସୁବିଧା । ଜିଲ୍ଲାରୁ ପରୀକ୍ଷା ଦେବାକୁ ଯାଉଥିବା ପରୀକ୍ଷାର୍ଥୀଙ୍କ ଯାତ୍ରାକୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ ଉପ ବାଚସ୍ପତି । ଏହି କାର୍ଯ୍ୟକ୍ରମରେ ସରକାରୀ ଅଧିକାରୀ, ଦଳୀୟ କର୍ମଚାରୀମାନେ ଯୋଗ ଦେଇଥିବା ବେଳେ ସେମାନଙ୍କ ମଧ୍ୟରେ ସମାଜିକ ଦୂରତା ନଥିବା ଦେଖିବାକୁ ମିଳିଥିଲା । ଏନେଇ କେହି ପ୍ରତିକ୍ରିୟା ଦେବାକୁ ମାନା କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
