ଅନୁଗୋଳ: ହଜିଗଲା କି ପୋଲିସର ମାନବିକତା। ଦୁର୍ଘଟଣା ଜନିତ ମୃତ୍ୟୁକୁ ବିତିଗଲାଣି ପ୍ରାୟ 12 ଘଣ୍ଟା। ଏପର୍ଯ୍ୟନ୍ତ ପହଁଛି ନାହିଁ ପୋଲିସ । ମୃତକଙ୍କ ସମ୍ପର୍କୀୟ ଲୋକେ କ୍ଷତିପୂରଣ ଦାବିରେ ଦୁର୍ଘଟଣା ସ୍ଥଳରେ ଆନ୍ଦୋଳନରେ ବସିଛନ୍ତି ।
ତେବେ ଦୁର୍ଘଟଣା ଘଟାଇଥିବା ଟ୍ରକ ତଳେ ପଡି ରହିଛି ମୃତଦେହ । ଏଭଳି ଅଭାବନୀୟ ଘଟଣା ଆଜି ଦେଖିବାକୁ ମିଳିଛି ଅନୁଗୋଳ ଜିଲ୍ଲାର ତାଳଚେର ଥାନା ଅନ୍ତର୍ଗତ ହରିହରପୁର ଗାଁ ନିକଟରେ । ହରିହରପୁର ଗ୍ରାମ ଛକ ନିକଟରେ ରାସ୍ତା କଡରେ ଛିଡା ହୋଇଥିବା ଏକ ଟ୍ରକ ସହ ବାଇକର ଧକ୍କା ହେବା ଫଳରେ ବାଇକ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା ।
ମୃତକ କାଦୁପଡ଼ା ଗ୍ରାମର ପ୍ରତାପ କୁମାର ବେହେରା ନିଜ ବାଇକରେ କାମରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଇତି ମଧ୍ୟରେ 12 ଘଣ୍ଟା ବିତି ଯାଇଥିଲେ ବି ପୋଲିସ ଦେଖା ନାହିଁ। ଫଳରେ ଏନେଇ ଉତ୍ତେଜନା ଜାରି ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
