ଅନୁଗୋଳ: ଦୁଇ ଦିନିଆ ଅନୁଗୋଳ ଜିଲ୍ଲା ଗସ୍ତରେ କେନ୍ଦ୍ର ରସାୟନ ମନ୍ତ୍ରୀ ଭାଗବନ୍ତ ଖୁବା । ଆଜି ସେ ଅନୁଗୋଳ ଜିଲ୍ଲା ତାଳଚେରରେ ପୁନରୁଦ୍ଧାର ଚାଲିଥିବା ତାଲଚେର ଫର୍ଟିଲାଇଜର ଲିମିଟେଡ ପରିଦର୍ଶନ କରିବା ସହ ତାଳଚେରର ଫର୍ଟିଲାଇଜର ଲିମିଟେଡର ପଦାଧିକାରୀମାନଙ୍କ ସହ ଏକ ବୈଠକରେ ଯୋଗ ଦେଇଥିଲେ । ଏଥିସହ ମନ୍ତ୍ରୀ ନିର୍ମାଣ ଚାଲିଥିବା ସାର ଖାରଖାନାର କାମ ବୁଲି ଦେଖିଥିଲେ ।
ସୂଚନା ଅନୁସାରେ, ଆଜି ମନ୍ତ୍ରୀ ଅନୁଗୋଳ ନାଲକୋ ଠାରେ ରାତ୍ରିଯାପନ କରିବାର କାର୍ଯ୍ୟକ୍ରମ ରହିଛି । ଏହା ସହ ଆସନ୍ତା କାଲି ପୁଣି ତାଳଚେର ଫର୍ଟିଲାଇଜର ଲିମିଟେଡ ଯିବା ସହ ବୈଠକ କରିବାର ସୂଚନା ମିଳିଛି । ତେବେ ତାଳଚେର ଫର୍ଟିଲାଇଜର ଲିମିଟେଡର ପୁନରୁଦ୍ଧାର କାର୍ଯ୍ୟ ଚାଲୁ ରହିଥିବା ବେଳେ ବଡ଼ ବଡ଼ ଯନ୍ତ୍ରାଂଶ ଆସି ପହଞ୍ଚିଲାଣି । ଏଣୁ ଯଥାଶୀଘ୍ର କିଭଳି କାମ ସରିବ ଏବଂ ତାଳଚେର ଫର୍ଟିଲାଇଜର ଲିମିଟେଡ କାର୍ଯ୍ୟକ୍ଷମ ହେବ ସେଥିପାଇଁ ମନ୍ତ୍ରୀ ଅଧିକାରୀ ମାନଙ୍କ ସହ ଆଲୋଚନା କରିବା ସହ କାର୍ଯ୍ୟ ତଦାରଖ କରିବା ନେଇ ଏହି ଦୁଇ ଦିନିଆ କାର୍ଯ୍ୟକ୍ରମ ରହିଛି ।
ଇଟିଭି ଭାରତ, ଅନଗୋଳ
