ଅନୁଗୋଳ : ଦେଶ ସ୍ବାଧୀନତାର ୭୫ବର୍ଷ ପୂର୍ତ୍ତି ସାରା ଦେଶରେ ପାଳିତ ହେଉଛି । ଏହି ଅବସରରେ ଲୋକଙ୍କ ମନରେ ଦେଶପ୍ରେମ ସୃଷ୍ଟି କରାଇବା ସହ "ହର୍ ଘର୍ ତ୍ରିରଙ୍ଗା" କାର୍ଯ୍ୟକ୍ରମ ଅନୁଷ୍ଠିତ ହେଉଛି । ତାଳଚେର ଫର୍ଟିଲାଇଜର ଲିମିଟେଡ ତରଫରୁ ଏନେଇ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା ।
ଏଥିରେ ମୁଖ୍ୟ ଅତିଥି ଭାବେ ଟିଏଫଏଲର ନିର୍ଦ୍ଦେଶକ ସଞ୍ଜୟ ଆରୋରା ଏବଂ ସମ୍ମାନିତ ଅତିଥି ଭାବେ ଜିଏମ ସତ୍ୟବ୍ରତ ମିଶ୍ର ଓ ବୈଷୟିକ ଉପଦେଷ୍ଟା ପ୍ରସନ କୁମାର ବରାଳ ପ୍ରମୁଖ ଯୋଗଦେଇ ଏହି କାର୍ଯ୍ୟକ୍ରମର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ କହିଥିଲେ । ହର୍ ଘର୍ ତିରଙ୍ଗା କାର୍ଯ୍ୟକ୍ରମ ଜରିଆରେ ଦେଶବାସୀ ଏବେ ଘରେ ଘରେ ତିରଙ୍ଗା ଉଡାଇ ପାରିବେ ।
ଏହାଦ୍ୱାରା ଲୋକଙ୍କ ମନରେ ଜାତୀୟ ଏକତା ଏବଂ ଦେଶପ୍ରେମ ଜାଗ୍ରତ ହୋଇ ପାରିବ ବୋଲି ଅତିଥି ମାନେ ମତବ୍ୟକ୍ତ କରିଥିଲେ। ଉପସ୍ଥିତ ସମସ୍ତ ଅତିଥି ହାତରେ ତ୍ରିରଙ୍ଗା ଧରି ଉଡାଇ ଥିଲେ। ଟିଏଫଏଲର ଚିଫ ମ୍ୟାନେଜର ସୁମନ୍ତ ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିଲେ।
ଇଟିଭି ଭାରତ, ଅନୁଗୋଳ
