ଅନୁଗୋଳ: ଚଳନ୍ତା ପିକଅପ ଭ୍ୟାନରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ଗାଡି ଡ୍ରାଇଭର । ଏଭଳି ଏକ ଅଘଟଣ ଘଟିଛି ଅନୁଗୋଳରେ ।
ସୂଚନାନୁଯାୟୀ, ଅନୁଗୋଳ ସହରରୁ ଦୋକାନ ସାମଗ୍ରୀ ନେଇ ତାଳଚେର ପାଳଗଡ଼ ଆଡ଼କୁ ଯାଉଥିବାବେଳେ ହଠାତ ଆମ୍ବପାଳ ନିକଟରେ ହଠାତ ଏକ ପିକଅପ ଭ୍ୟାନର ଇଞ୍ଜିନରେ ନିଆଁ ଲାଗିଯାଇଥିଲା । ଏହା ଦେଖି ଗାଡିର ଡ୍ରାଇଭର ଓ ଗାଡ଼ିରେ ଥିବା ଅନ୍ୟଜଣେ ବ୍ୟକ୍ତି ଗାଡି ରଖି ଡେଇଁ ନିଜ ଜୀବନ ବଞ୍ଚାଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଘଟଣାରେ ଉଭୟ ଅଳ୍ପକେ ବର୍ତ୍ତି ଯାଇଥିବାବେଳେ ଗାଡିଟି କିନ୍ତୁ ସମ୍ପୂର୍ଣ୍ଣ ଜଳି ନଷ୍ଟ ହୋଇଯାଇଥିବା ଜଣାପଡିଛି । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
