ଅନୁଗୋଳ: ବିଧାୟକଙ୍କ ଦେହରେ କାଳିଶି । ଏଭଳି ଏକ ଅସ୍ବାଭାବିକ ଘଟଣା ଗତକାଲି(ରବିବାର) ନଜରକୁ ଆସିବା ପରେ ସୋମବାର ଏନେଇ ପ୍ରତିକ୍ରିୟା ରଖିଛନ୍ତି ବିଧାୟକ । ପୂଜା ସମୟରେ ସେ କରିଥିବା ଭାବଭଙ୍ଗୀ ସବୁ ତାଙ୍କ ସମାଜର ପରମ୍ପରା ବୋଲି କହିବା ସହ କାଳିଶି ବୋଲି ଲୋକେ ଯେଉଁ ଚର୍ଚ୍ଚା କରୁଛନ୍ତି ତାକୁ ସେ ଖଣ୍ଡନ କରିଛନ୍ତି ।
ରବିବାର ଅନୁଗୋଳ ଜିଲ୍ଲା ଆଠମଲ୍ଲିକ ବିଧାୟକ ରମେଶ ସାଏ ଗାଁ ପୂଜାରେ ଖଣ୍ଡା ଧରି ଥରିବା ଅସ୍ବାଭାବିକ ଭଙ୍ଗି କରିଥିଲେ । ଯାହାକୁ ନେଇ ଭିଭିନ୍ନ ମହଲରେ ତାଙ୍କୁ ସମାଲୋଚନା ହେବାକୁ ପଡିଥିଲା ।
ସେପଟେ ବିଧାୟକଙ୍କ ସପକ୍ଷରେ ମଧ୍ୟ ଯୁକ୍ତି ରଖିଛନ୍ତି ତାଙ୍କ ଗଣ୍ଡ ସମାଜର ଲୋକେ । ସେମାନେ ଶାମ୍ବ ଦଶମୀରେ ତାଙ୍କ ଜଂଘା ଦେବତାଙ୍କୁ ପୂଜା କରାଯାଏ । କାଳିଶି ବୋଲି ଯେଉଁ ଚର୍ଚ୍ଚା ହେଉଛି ତାହା ସମ୍ପୂର୍ଣ୍ଣ କପୋଳ କଳ୍ପିତ ।
ରବିବାର, ବିଧାୟକ ରମେଶ ସାଏ ତାଙ୍କ ନିର୍ବାଚନ ମଣ୍ଡଳୀର ଆମ୍ବସର ମୁଣ୍ଡା ଗାଁ ଗଣ୍ଡ ସମାଜ ପକ୍ଷରୁ ହୋଇଥିବା ଜଂଘା ଦେବତାଙ୍କ ପୂଜା ଉତ୍ସବରେ ଯୋଗ ଦେଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭରତ
