ଲାଉସେନ: ମହାମାରୀ କୋରୋନା ଭାଇରସ କବଳରେ ସମଗ୍ର ବିଶ୍ବ । ଏଥିରେ ବିଶ୍ବ କ୍ରୀଡାଜଗତ ବିଶେଷ ଭାବେ ପ୍ରଭାବିତ ହୋଇଛି । ବିଶ୍ବର ଏକାଧିକ ମେଗା ଇଭେଣ୍ଟ ବାତିଲ କିମ୍ବା ସ୍ଥଗିତ ଘୋଷଣା ହୋଇଛି ।
ସଦ୍ୟ ସୂଚନା ଅନୁଯାୟୀ 2020 ବିଶ୍ବ ତୀରନ୍ଦାଜ ଫିଲ୍ଡ ଚମ୍ପିଆନସିପ 2022 ପର୍ଯ୍ୟନ୍ତ ସ୍ଥଗିତ ଘୋଷଣା ହୋଇଛି ।
ଚଳିତ ବର୍ଷ ସେପ୍ଟେମ୍ବରରେ ଆମେରିକାର ଇଷ୍ଟନ ୟଙ୍କଟନ ତୀରନ୍ଦାଜ ସେଣ୍ଟରରେ ଏହି ଇଭେଣ୍ଟ ହେବାନେଇ ସୂଚୀ ରହିଥିଲା । ଫିଲ୍ଡ ଚମ୍ପିଆନସିପରେ ବିଳମ୍ବ ଯୋଗୁଁ ଦୁଃଖ ପ୍ରକାଶ କରିଛନ୍ତି, ବିଶ୍ବ ତୀରନ୍ଦାଜ ସାଧାରଣ ସମ୍ପାଦକ ଟମ ଡେଲେନ । ତେବେ ବର୍ତ୍ତମାନର ପରସ୍ଥିତିକୁ ଦୃଷ୍ଟିରେ ରଖି, ସମସ୍ତଙ୍କ ସୁରକ୍ଷା ସର୍ବୋପରି ବୋଲି ସେ କହିଛନ୍ତି।
ତେବେ 2021 ତୀରନ୍ଦାଜ ଚମ୍ପିଆନସିପର ଆୟୋଜନ ୟଙ୍କଟନ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
