ଭୁବନେଶ୍ବର: ଓଡିଶା ତଥା ଭାରତର କ୍ରୀଡା ଜଗତର ଏକ ସଶ୍ରଦ୍ଧ ଉଚ୍ଚାରଣ ହେଉଛନ୍ତି ଦୂତୀ ଚାନ୍ଦ। ଭାରତୀୟ ଆଥଲେଟ ବିଶେଷ କରି 100 ମିଟର ଖେଳରେ ତାଙ୍କର ଅବଦାନ ତାଙ୍କୁ ଦୌଡ଼ରାଣୀର ପରିଚୟ ଦେଇଛି । ଖୁବ କମ ବୟସରୁ ସେ ରାଜ୍ୟ ତଥା ଦେଶ ପାଇଁ ଖେଳି ବେଶ ସୁନାମ ଓ ପ୍ରସିଦ୍ଧି ଆଣିଥିବା ଦୂତୀ ଆଜି 23 ବର୍ଷରେ ପଦାର୍ପଣ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି ଭୁବନେଶ୍ବର
ଜନ୍ମଦିନ ଅବସରରେ ଭୁବନେଶ୍ବରର ଏକ ହୋଟେଲରେ ଦୂତୀଙ୍କ ଏକ ସ୍ବତନ୍ତ୍ର ଶୁଭେଚ୍ଛା ଉତ୍ସବର ଆୟୋଜନ ହୋଇଛି । ରାଜ୍ୟର କ୍ରୀଡା ସାମ୍ବାଦିକ, କଳାକାର, କ୍ରୀଡ଼ାବିତ, ଶିକ୍ଷାବିତ ଓ ବୁଦ୍ଧିଜୀବୀ ଏଥିରେ ଯୋଗ ଦେଇ ତାଙ୍କର ଭବିଷ୍ୟତ ଉଜ୍ଜ୍ବଳ ପାଇଁ ଶୁଭେଚ୍ଛା ଜଣାଇଛନ୍ତି ।
ତେବେ ଆଗାମୀ ଟୋକିଓ ଅଲମ୍ପିକ୍ସରେ ଦେଶ ପାଇଁ ପଦକ ଜିତିବା ଲକ୍ଷ୍ୟ ରହିଛି ବୋଲି କହିଛନ୍ତି ଦୂତୀ । ଏଥିସହିତ ଏକ ଏକାଡେମୀ ଗଢି ଭବିଷ୍ୟତର କ୍ରୀଡ଼ାବିତଙ୍କୁ ପ୍ରୋତ୍ସାହନ ଦେବା ପାଇଁ ଯୋଜନା ରଖିଥିବା କହିଛନ୍ତି ଦୂତୀ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
