ଦୋହା: ଦୋହା ଡାଏମଣ୍ଡ ଲିଗରେ ଜାଭେଲିନ ତାରକା ନୀରଜ ଚୋପ୍ରାଙ୍କୁ ସଫଳତା । ବିଜୟରୁ ଚଳିତ ବର୍ଷର ଅଭିଯାନ ଆରମ୍ଭ କଲେ ସୁନା ପୁଅ ନୀରଜ । କତାର ରାଜଧାନୀ ଦୋହାରେ ଆୟୋଜିତ ଡାଏମଣ୍ଡ ଲିଗରେ ସ୍ବର୍ଣ୍ଣ ପଦକ ହାସଲ କଲେ ନୀରଜ ଚୋପ୍ରା । ପ୍ରଥମ ପ୍ରୟାସରେ 88. 67 ମିଟର ଦୂରକୁ ଜାଭେଲିନ ଥ୍ରୋ କରି ସ୍ବର୍ଣ୍ଣ ପଦକ ପକ୍କା କରିଥିଲେ ନିରଜ । ବିଶ୍ବ ବିଜେତା ଆଣ୍ଡରସନଙ୍କୁ ପଛରେ ପକାଇ ପ୍ରଥମ ସ୍ଥାନରେ ରହିଥିଲେ ନୀରଜ । ଅଲମ୍ପିକ ରୌପ୍ୟ ବିଜେତା ଜାକୁବ ଭେଦଲେକ 88.63 ମିଟର ଜାଭଲିନ ଫିଙ୍ଗି ଦ୍ବିତୀୟ ସ୍ଥାନରେ ରହିଥିବା ବେଳେ ଆଣ୍ଡରସନ ପିଟର୍ସ 85.88 ମିଟର ସହ ତୃତୀୟ ସ୍ଥାନରେ ରହିଛନ୍ତି ।
ଏହା ମଧ୍ୟ ପଢନ୍ତୁ-ଆଜିଠୁ ଡାଇମଣ୍ଡ ଲିଗ, ନୀରଜଙ୍କ ଉପରେ ନଜର
ପ୍ରଥମ ରାଉଣ୍ଡରେ ନୀରଜ 88.67 ମିଟର ପର୍ଯ୍ୟନ୍ତ ଜାଭେଲିନ ଫିଙ୍ଗିଥିଲେ । ଏହାପରେ ଦ୍ବିତୀୟ ରାଉଣ୍ଡରେ 86.04 ମିଟର ଫିଙ୍ଗିଥିଲେ ଓ ତୃତୀୟ ରାଉଣ୍ଡରେ 85.47 ମିଟର ପର୍ଯ୍ୟନ୍ତ ଜାଭେଲିନ ଫିଙ୍ଗିଥିଲେ । ସେହିପରି ଚତୁର୍ଥ ରାଉଣ୍ଡରେ ଫାଉଲ ହୋଇଯାଇଥିବା ବେଳେ ପଞ୍ଚମ ରାଉଣ୍ଡରେ 84.37 ମିଟର ଏବଂ ଶେଷ ରାଉଣ୍ଡରେ 86.52 ମିଟର ଜାଭେଲିନ ଥ୍ରୋ କରିଥିଲେ ନୀରଜ । ପ୍ରଥମ ସ୍ଥାନରେ ରହି ନୀରଜ ଚୋପ୍ରା ସ୍ବର୍ଣ୍ଣ ପଦକ ହାସଲ କରିଥିବା ବେଳେ ଜାକୁବ ରୌପ୍ୟ ଓ ପିଟରସନ ବ୍ରୋଞ୍ଚ ପଦକ ହାସଲ କରିଥିଲେ ।
ଏହା ମଧ୍ୟ ପଢନ୍ତୁ-IPL 2023: ରାଜସ୍ଥାନ ବିପକ୍ଷରେ ଗୁଜୁରାଟର ସହଜ ବିଜୟ, ଦେଖନ୍ତୁ ମ୍ୟାଚ ବେଳର କିଛି ଦୃଶ୍ୟ
-
Neeraj Chopra wins! 🇮🇳
— Anurag Thakur (@ianuragthakur) May 5, 2023 " class="align-text-top noRightClick twitterSection" data="
With a thunderous throw of 88.67m, he dominated the Doha Diamond League and brought glory home. A true champion who has made the nation proud again.
Congratulations Neeraj on this stupendous win! 🎉 pic.twitter.com/WqtkG4EdNs
">Neeraj Chopra wins! 🇮🇳
— Anurag Thakur (@ianuragthakur) May 5, 2023
With a thunderous throw of 88.67m, he dominated the Doha Diamond League and brought glory home. A true champion who has made the nation proud again.
Congratulations Neeraj on this stupendous win! 🎉 pic.twitter.com/WqtkG4EdNsNeeraj Chopra wins! 🇮🇳
— Anurag Thakur (@ianuragthakur) May 5, 2023
With a thunderous throw of 88.67m, he dominated the Doha Diamond League and brought glory home. A true champion who has made the nation proud again.
Congratulations Neeraj on this stupendous win! 🎉 pic.twitter.com/WqtkG4EdNs
ଡାଏମଣ୍ଡ ଲିଗରେ ପ୍ରଥମ ସ୍ଥାନରେ ରହିବା ପରେ କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର ନୀରଜ ଚୋପ୍ରାଙ୍କୁ ଶୁଭେଚ୍ଛା ଜଣାଇଛନ୍ତି । ଟ୍ବିଟ କରି ଅନୁରାଗ ଠାକୁର ଲେଖିଛନ୍ତି ଯେ, ''ଦୋହା ଡାଇମଣ୍ଡ ଲିଗରେ 88. 67 ମିଟର ଦୂରକୁ ଜାଭେଲିନ ଥ୍ରୋ କରି ଦେଶ ପାଇଁ ଗୌରବ ଆଣିଛନ୍ତି ନୀରଜ ଚୋପ୍ରା । ଜଣେ ପ୍ରକୃତ ଚାମ୍ପିଅନ ଦେଶକୁ ପୁଣି ଗର୍ବିତ କରାଇଛନ୍ତି । ଡାଏମଣ୍ଡ ଲିଗରେ ବିଜୟ ପାଇଁ ନୀରଜଙ୍କୁ ମୋ ତରଫରୁ ଶୁଭେଚ୍ଛା। ''
ଗତବର୍ଷ ଭାରତୀୟ ଷ୍ଟାର ଜାଭେଲିନ ଥ୍ରୋୟର ନୀରଜ ଚୋପ୍ରା ପ୍ରଥମ ଭାରତୀୟ ଭାବେ ସମ୍ମାନଜନକ ଡାଇମଣ୍ଡ ଲିଗ ଟ୍ରଫି ହାତେଇଥିଲେ ନିରଜ । ସୁଇଜରଲ୍ୟାଣ୍ଡ ଜୁରିଚରେ ଅନୁଷ୍ଠିତ ଡାଇମଣ୍ଡ ଲିଗ ଫାଇନାଲରେ 88.44 ମିଟର ଜାଭେଲିନ୍ ଫିଙ୍ଗି ଟାଇଟଲ ଜିତିଥିଲେ ନିରଜ । ସେହିପରି ଜୁନରେ ଅନୁଷ୍ଠିତ ଡାଇମଣ୍ଡ ଲିଗରେ ରୌପ୍ୟ ପଦକ ଜିତିଥିଲେ । ଫିନଲାଣ୍ଡରେ କୋର୍ଟେନ ଗେମ୍ସ ଜାଭେଲିନ ଥ୍ରୋ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିଲେ ନିରଜ।
