ନୂଆଦିଲ୍ଲୀ: ଦୁଇଥର କମନୱେଲଥ ଗେମ୍ସର ସ୍ୱର୍ଣ୍ଣ ବିଜେତା ଭାରୋତ୍ତୋଳନକାରୀ ସଞ୍ଜିତା ଚାନୁ ଶେଷରେ ଅର୍ଜୁନ ପୁରସ୍କାର ପାଇବେ । ଯାହା ପାଇଁ ସେ 2018ରେ ମନୋନିତ ହୋଇଥିଲେ ।
କ୍ରୀଡା ମନ୍ତ୍ରଣାଳୟର ସୂତ୍ରରୁ ଜଣାପଡିଛି ଯେ 2018 ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଚାନୁଙ୍କୁ ଅର୍ଜୁନ ପୁରସ୍କାର ଦୌଡରେ ସାମିଲ କରାଯିବ । ଚୟନ କମିଟି ତାଙ୍କୁ ବିଚାର ଅଧିନକୁ ନେବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ଡୋପିଂ ଟେଷ୍ଟ ନିଷ୍ପତ୍ତିକୁ ଅଣଦେଖା କରି ଚାଙ୍କୁ ଅର୍ଜୁନ ପୁରଷ୍କାର ଦୌଡରେ ସାମିଲ କରାଯାଉ ।
ମନ୍ତ୍ରଣାଳୟ କହିଛି, ‘‘ ସଞ୍ଜିତା ଚାନୁ ଅନ୍ତର୍ଜାତୀୟ ଫେଡେରେଶନର ସମସ୍ତ ଡୋପିଂ ଅଭିଯୋଗରେ ନିର୍ଦ୍ଦୋଷୀ ସାବ୍ୟସ୍ତ ହୋଇଛନ୍ତି । ତେଣୁ ଆମକୁ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ପାଳନ କରିବାକୁ ପଡିବ ଏବଂ ତାଙ୍କୁ ଅର୍ଜୁନ ପୁରସ୍କାର ପାଇଁ ବିଚାର କରିବାକୁ ପଡ଼ିବ ।’’
