ସୂକ୍ଷ୍ମକଳାରେ ଅଲମ୍ପିକ୍ ଶୁଭେଚ୍ଛା

ଟୋକିଓ ଅଲମ୍ପିକ୍ସରେ ଯୋଗ ଦେଇଥିବା ଭାରତୀୟ କ୍ରୀଡ଼ାବିତଙ୍କୁ ସୂକ୍ଷ୍ମ କଳା ମାଧ୍ୟମରେ ଶୁଭକାମନା ଜଣାଇଛନ୍ତି ଜଟଣୀର ଜଣେ ଶିଳ୍ପୀ । କ୍ରୀଡ଼ା ଜଗତର ଏହି ମହାକୁମ୍ଭକୁ ନେଇ ସାରା ବିଶ୍ବର କ୍ରୀଡ଼ାବିତଙ୍କ ମନରେ ଉତ୍ସାହ ରହିଛି । ଅଧିକ ପଢ଼ନ୍ତୁ...

ଖୋର୍ଦ୍ଧା: ଟୋକିଓ ଅଲମ୍ପିକ୍ସରେ ଯୋଗ ଦେଇଥିବା ଭାରତୀୟ କ୍ରୀଡ଼ାବିତଙ୍କୁ ସୂକ୍ଷ୍ମ କଳା ମାଧ୍ୟମରେ ଶୁଭକାମନା ଜଣାଇଛନ୍ତି ଜଟଣୀର ଜଣେ ଶିଳ୍ପୀ । କ୍ରୀଡ଼ା ଜଗତର ଏହି ମହାକୁମ୍ଭକୁ ନେଇ ସାରା ବିଶ୍ବର କ୍ରୀଡ଼ାବିତଙ୍କ ମନରେ ଉତ୍ସାହ ରହିଛି । ତେବେ ଏଥିରେ ଯୋଗ ଦେଇଥିବା ଭାରତୀୟ କ୍ରୀଡ଼ାବିତଙ୍କ ମନୋବଳ ସୁଦୃଢ଼ କରିବା ପାଇଁ ଇଶ୍ବର ରାଓ ନାମକ ଜଣେ କଳାକାର ଏକ କାଚ ବୋତଲ ମଧ୍ୟରେ ତିଆରି କରିଛନ୍ତି ସୂକ୍ଷ୍ମ କଳାକୃତି ।

7ଇଞ୍ଚ ଉଚ୍ଚତା ବିିଶିଷ୍ଟ ଏହି ବୋତଲ ଭିତରେ ଅଲମ୍ପିକ୍ସର ପ୍ରତିକୃତିକୁ ସ୍ଥାନ ଦେଇଛନ୍ତି ଇଶ୍ବର । ଏହି ସୂକ୍ଷ୍ମ କାରୁକାର୍ଯ୍ୟ ପାଇଁ ସେ କାଚ, କାଗଜ ଆଦି ବ୍ୟବହାର କରି ଏପର ନିଖୁଣ କାରିଗରି ପ୍ରଦର୍ଶନ କରିଛନ୍ତି । ଭାରତୀୟ କ୍ରୀଡ଼ାବିତମାନେ ଟୋକିଓ ଅଲମ୍ପିକ୍ସରେ ଭଲ ପ୍ରଦର୍ଶନ କରି ସ୍ବର୍ଣ୍ଣ ପଦକ ହାସଲ କରିବା ସହ ଦେଶ ପାଇଁ ସୁନାମ ଅର୍ଜନ କରିବେ ବୋଲି ସେ ଆଶା ପୋଷଣ କରିଛନ୍ତି । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ