ବୌଦ୍ଧ: ଉଦଯାପିତ ହୋଇଯାଇଛି ୨୧ତମ ରାଜ୍ୟ ତୀରନ୍ଦାଜ ଚାମ୍ପିୟନସିପ । ବୌଦ୍ଧ କଚେରୀ ପଡିଆଠାରେ ତିନିଦିନ ଧରି ଚାଲିଥିବା ଏହି କାର୍ଯ୍ୟକ୍ରମ ରବିବାର ସମାପନ ହୋଇଯାଇଛି । ତିନୋଟି ବର୍ଗରେ ଅନୁଷ୍ଠିତ ଏହି ତୀରନ୍ଦାଜ ପ୍ରତିଯୋଗିତାରେ ଭାଗନେଇ କୃତିତ୍ୱ ଅର୍ଜନ କରିଥିବା ଖେଳାଳୀଙ୍କୁ ଅତିଥି ମାନେ ପୁରସ୍କୃତ କରିଛନ୍ତି ।
ଭିଡିଓ ସୌଜନ୍ୟ- ପ୍ରତିନିଧି ବୌଦ୍ଧ
କାର୍ଯ୍ୟକ୍ରମରେ 205 ଜଣ ପ୍ରତିଯୋଗୀ ଭାଗ ନେଇଥିଲେ । ଏହି ତ୍ରି-ଦିବସୀୟ ଚାମ୍ପିୟନସିପରେ ରାଜ୍ୟ ଖେଳାଳିଙ୍କ ସହିତ ଜାତୀୟ ତଥା ଆନ୍ତର୍ଜାତିକ ଖେଳାଳୀ ମଧ୍ୟ ଭାଗନେଇଥିଲେ । ଉଦଯାପନୀ ଉତ୍ସବରେ ବୌଦ୍ଧ ଉପଜିଲ୍ଲାପାଳ ଏନସି ଜ୍ୟୋତି ରଂଜନ ନାୟକ ମୁଖ୍ୟ ଅତିଥି ରୂପେ ଯୋଗ ଦେଇ ଖେଳାଳି ମାନଙ୍କୁ ପୁରସ୍କୃତ କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
