ମାଦ୍ରିଦ(ସ୍ପେନ): ଚଳିତ ଲା ଲିଗାରେ ରିୟଲ ମାଦ୍ରିଦ କ୍ଳବକୁ ମିଳଛି ଏକ ବୃହତ ବିଜୟ । ଇବାରକୁ 3-1 ଗୋଲରେ ହରାଇ ବିଜୟୀ ହୋଇଛି ଟିମ ।
ଉଭୟ କ୍ଳବ ସ୍ଥିଗତ ଥିବା ସିଜିନ ଆରମ୍ଭ ପରେ ପ୍ରଥମ ମ୍ୟାଚ ଖେଳିଥିଲେ । ଜୁନ 12ରେ ଲା ଲିଗା ଆରମ୍ଭ ହୋଇଥିଲା । ମ୍ୟାଚର ପ୍ରଥମାର୍ଦ୍ଧ ସୁଦ୍ଧା ରିୟଲ ମାଦ୍ରିଦ ସଂପୂର୍ଣ୍ଣ ଭାବେ ଇବାର ଉପରେ ପ୍ରଭାବ ବିସ୍ତାର କରିଥିଲା ।
ଏହାପରେ ଟୋନି କ୍ରୁସ କ୍ଳବ ପକ୍ଷରୁ ପ୍ରଥମ ଗୋଲ ଦେଇ, 1-0ରେ ଆଗୁଆ କରିଥିଲେ । ତେବେ ଏହାପରେ ଅଧିକ ଆକ୍ରମଣାତ୍ମକ ଖେଳିବା ସହ ଇଡେନ ହାଜାର୍ଜ 2ୟ ଓ ମାର୍ସେଲୋ 3ୟ ଗୋଲ ଦେଇ 3-0ରେ ଅଗ୍ରଣୀ କରାଇଥିଲେ । ତେବେ ଇବାର ଗୋଟିଏ ଗୋଲ କରିବାକୁ ସକ୍ଷମ ହୋଇଥିଲା ।
59 ପଏଣ୍ଟ ସହ ଚଳିତ ଲା ଲିଗା ପଏଣ୍ଟ ଟେବୁଲର 2ୟ ସ୍ଥାନରେ ରହିଛି ରିୟଲ ମାଦ୍ରିଦ । ବାର୍ସେଲୋନା 61 ପଏଣ୍ଟ ସହ ତାଲିକାର ଶୀର୍ଷରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
