ମୁମ୍ବାଇ: ମୁମ୍ବାଇ ସିଟି ଏଫସି ଶୁକ୍ରବାର ଏକ ବଡ ଘୋଷଣା କରିଛି । ଇଣ୍ଡିଆନ ସୁପର ଲିଗର 2020-21 ସଂସ୍କରଣ ପୂର୍ବରୁ ଗୋଲକିପର ଫୁର୍ବା ଲାଚେନପାଙ୍କୁ କ୍ଳବରେ ସାମିଲ କରିଛି ।
22 ବର୍ଷୀୟ ଯୁବ ଗୋଲକିପର ମୁମ୍ବାଇ କ୍ଳବ ସହ 2024 ପର୍ଯ୍ୟନ୍ତ ଚୁକ୍ତି କରିଛନ୍ତି ।
ସିଲଙ୍ଗ ଲାଜଙ୍ଗ ଏଫସି ଏକାଡେମୀରୁ ସ୍ନାତ୍ତକ ହାସଲ ହାସଲକରିଥିବା ଲାଚେନପା, ବର୍ଷ 2015ରେ ମେଘାଳୟର ଏକ କ୍ଳବ ସହ ପ୍ରଥମେ ପେଷାଦାର ଚୁକ୍ତି କରିଥିଲେ । ସିକିମର ଏହି ଷ୍ଟାର ଖେଳାଳି 2019 ଆଇ-ଲିଗର ରିୟଲ କାଶ୍ମିରୀ ଟିମରେ ମଧ୍ୟ ଖେଳିଛନ୍ତି ।
"ଏହା ଗର୍ବର ମୂହୂର୍ତ୍ତ । ମୁମ୍ବାଇ ସିଟି ଏଫସି ଭଳି କ୍ଳବରେ ସାମିଲ ହେବା ଗୌରବ କଥା ।" ଏହା କହିଛନ୍ତି ଲାଚେନପା ।
ବ୍ୟୁରୋ ରିପୋର୍ଟ, ଇଟିଭି ଭାରତ
