ଚେନ୍ନାଇ: ଇଣ୍ଡିଆନ ସୁପର ଲିଗ(ISL) କ୍ଳବ ଚେନ୍ନାଇଇନ ଏଫସିର ନୂଆ କୋଚ ନିଯୁକ୍ତ ହୋଇଛନ୍ତି ସିସାବା ଲାସଜଲୋ । ଆଗାମୀ 2020-21 ସଂସ୍କରଣ ପାଇଁ ଲାସଜଲୋ କ୍ଳବର ମୁଖ୍ୟ କୋଚ ଭାବେ କାର୍ଯ୍ୟ କରିବେ। ଏନେଇ ରବିବାର କ୍ଳବ ପକ୍ଷରୁ ଘୋଷଣା କରାଯାଇଛି ।
ଲାସଜଲୋଙ୍କ ନିକଟରେ ପ୍ରାୟ ଦୁଇ ଦଶନ୍ଧିରୁ ଅଧିକ ସମୟର କ୍ଳବ ଓ ଅନ୍ତର୍ଜାତୀୟ ସ୍ତରୀୟ କୋଚିଂ ଅଭିଜ୍ଞତା ରହିଛି । ରୋମାନିଆ ଜନ୍ମିତ 56 ବର୍ଷୀୟ ଲାସଜଲୋଙ୍କ ଏହା ଏସିଆନ ଫୁଟବଲ କ୍ଳବରେ ପ୍ରଥମ ନିଯୁକ୍ତି ହେବ। ଚେନ୍ନାଇ ଏଫସିର ମୁଖ୍ୟ କୋଚ ନିଯୁକ୍ତ ହେବାପରେ ଖୁସିବ୍ୟକ୍ତ କରିଛନ୍ତି ଲାସଜଲୋ । ନିଜ ଫୁବଟଲ କ୍ୟାରିୟରରେ କହୁଣୀରେ ଗୁରୁତ୍ବର ଆଘାତ ଯୋଗୁଁ ମାତ୍ର 27 ବର୍ଷରୁ ଫୁଟବଲରୁ ବାଧ୍ୟ ହୋଇ ଅବସର ଗ୍ରହଣ କରିଥିଲେ ଲାସଜଲୋ । ଏହାପରେ ସେ କୋଚିଂ କ୍ୟାରିୟର ଆରମ୍ଭ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
